Jean 10:2 - Mbeti ti Nzapa - Tënë so amu fini

² Zo so ali na taa yanga ti gbagba ni ayeke wabatango-taba.

Jean 10:2 ပူးပေါင်းရင်းမြစ်များ

Abia (Psaumes) 23:1

Bia ti David. *KOTA GBIA ayeke tongana wabatango-taba so ayeke bata mbi, mbeni ye oko ayeke tia mbi pepe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Zo ti bongbingo azo 12:11

Atënë ti azo ti ndara ayeke tongana keke so yanga ni ayo yongo ti kpongo na bagara ti sara si lo tambula. Azo so abongbi atënë ni na mbeti, ala yeke tongana pondi so a pika na ya ti keke si alinda ngangu. So matabisi ti Nzapa laa, lo oko so lo yeke bata azo tongana ataba ti lo.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Zakarii 11:3

Ala azo, ala ma toto ti awabatango-taba, ngbanga ti so gonda ti ala ahon awe. Ala ma toto ti akete bamara, ngbanga ti so pendere gbako ti tere ti ngu ti Jourdain abuba awe.

Zakarii 11:5

Azo so ayeke vo ataba ni, ala yeke fâ go ti ala, me ala baa ti ala atene, tënë ayeke na li ti ala pepe. Ala so ayeke ka ataba ni ayeke tene: ‘E mu singila na KOTA GBIA. Baa, e ga azo ti mosoro awe!’ Me taa awabatango-taba ni ayeke baa mawa ti ataba ni oko pepe.

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 15:11

ye so ali na yanga ti zo laa ayeke sara titene zo ni aga *sioni pepe; me ye so alondo na yanga ti lo asigigi laa ayeke sara titene lo ga *sioni.”

Jean 10:14

Mbi yeke nzoni wabatango-taba. Mbi hinga ataba ti mbi si ala nga, ala hinga mbi,

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”