Jean 10:12 - Mbeti ti Nzapa - Tënë so amu fini

¹² Me ti zo so ayeke taa wabatango-taba pepe si lo yeke sara gi kua ndali ti nginza, ataba ni ayeke ti lo pepe. Tongana lo baa mbo ti ngonda na gango ni, lo zia ataba ni, lo kpe. Tongaso mbo ti ngonda agbu ataba ni si lo tumba ala kirikiri.

Jean 10:12 ပူးပေါင်းရင်းမြစ်များ

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Jean 10:13

Zo so ayeke sara kua gi ndali ti nginza ayeke bata ataba ni nzoni pepe.

Jean 10:2

Zo so ali na taa yanga ti gbagba ni ayeke wabatango-taba.

Jean 10:3

Wabatango yanga ti gbagba ni azi yanga ni na lo, ataba ni ama go ti lo. Lo iri ataba ti lo na iri ti ala oko oko si lo sigigi na ala.

Awatokua 20:29

Mbi hinga, mbi tene, na peko ti mbi, fade ambeni sioni mbo ti ngonda ayeke ga na popo ti ala ti fâ ataba ni.

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.