Jean 10:11 - Mbeti ti Nzapa - Tënë so amu fini

¹¹ Mbi yeke nzoni wabatango-taba. Nzoni wabatango-taba ayeke ka fini ti lo ndali ti ataba ti lo.

Jean 10:11 ပူးပေါင်းရင်းမြစ်များ

2 Samuel 24:17

So David abaa ange so ayeke fâ azo ni, lo tene na KOTA GBIA: “Mbi laa mbi sara siokpari ni! Mbi laa mbi sara sioni ni! Me asenge zo so, nyen laa ala sara, nyen? Mbi gbu gere ti mo, ayeke nzoni mo pika gi mbi na asewa ti mbi.”

Abia (Psaumes) 23:1

Bia ti David. *KOTA GBIA ayeke tongana wabatango-taba so ayeke bata mbi, mbeni ye oko ayeke tia mbi pepe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Jean 10:2

Zo so ali na taa yanga ti gbagba ni ayeke wabatango-taba.

Jean 15:13

Tongana mbeni zo aka fini ti lo ndali ti azo so lo ye ala, mbeni ndoye ti hon so ayeke daa pepe.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.