Jean 10:10 - Mbeti ti Nzapa - Tënë so amu fini

¹⁰ Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Jean 10:10 ပူးပေါင်းရင်းမြစ်များ

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:11

*Molenge ti Zo aga ti soo azo so agirisa awe.]

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 21:13

Lo tene na ala: “A su na ya ti Mbeti ti Nzapa, atene: ‘Fade a yeke iri da ti mbi da ti sambelango Nzapa.’ Me ti ala, ala sara si da ni aga du so azo ti nzi ayeke honde tere ti ala daa!”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Marc 11:17

Na pekoni, lo fa ye na azo ni, lo tene: “Mbeti ti Nzapa atene: ‘Fade a yeke iri da ti mbi da ti sambelango Nzapa ti amara kue.’ Me ti ala, ala sara si da ni aga du so azo ti nzi ayeke honde tere ti ala daa!”

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Jean 10:1

Jésus atene: “Biani, mbi tene na ala taa-tënë: zo so ali na ya ti gbagba ti ataba na yanga ti gbagba ni pepe, me lo li na mbeni lege nde, andaa lo yeke zo ti nzi si lo yeke sioni zo.

Jean 10:11

Mbi yeke nzoni wabatango-taba. Nzoni wabatango-taba ayeke ka fini ti lo ndali ti ataba ti lo.

Jean 12:47

Tongana mbeni zo ama atënë ti mbi si lo sara ye alingbi na ni pepe, mbi laa mbi yeke fâ ngbanga na li ti lo pepe. Biani, mbi ga ti fâ ngbanga na li ti azo ti dunia so pepe, me mbi ga ti soo azo ti dunia so na kuâ.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jean 5:40

Me ala azo, ala ye ti ga na mbi pepe ti wara taa fini.

Jean 6:33

ndali ti so mapa ti Nzapa ayeke zo so alondo na yayu, lo zu si lo yeke mu fini na azo ti dunia.”

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Rome 2:21

Tongaso, mo so mo yeke fa ye na azo, ngbanga ti nyen si mo fa ye na mo wani pepe? Mo so mo yeke fa tënë, mo tene, alingbi zo anzi pepe so, ngbanga ti nyen si mo yeke nzi?

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.