Jean 10:1 - Mbeti ti Nzapa - Tënë so amu fini

¹ Jésus atene: “Biani, mbi tene na ala taa-tënë: zo so ali na ya ti gbagba ti ataba na yanga ti gbagba ni pepe, me lo li na mbeni lege nde, andaa lo yeke zo ti nzi si lo yeke sioni zo.

Jean 10:1 ပူးပေါင်းရင်းမြစ်များ

Jérémie 14:15

Ndani laa, tënë so KOTA GBIA atene na tere ti awayanga-Nzapa ni ayeke so: Ataa so mbi tokua ala pepe, ala yeke fa tënë na iri ti mbi atene, fade bira na nzara ayeke si na ya ti kodro so pepe. Andaa, na lege ti bira nga na lege ti nzara si a yeke hunzi ala kue!

Jérémie 23:21

“Mbi tokua ti mbi awayanga-Nzapa so pepe, me ala laa ayeke mu loro ti be ti ala; mbi tene nga tënë na ala pepe, me ala yeke tene peko ti tënë ti yanga ti mbi.

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Joël 2:9

Ala mu ya ti gbata kue, ala yeke kpe loro na ndö ti agbagba ti bira, ala yeke ko na li ti ada; ala yeke li na ya ti ada na le ti afenetere tongana azo ti nzi.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Ahebro 5:4

Zo ayeke mu tere ti lo wani ti si na kota ndo ni pepe, so ti tene, ti ga kota wayango-sandaga; me Nzapa laa ayeke iri zo ni tongana ti so lo iri ando Aaron.

1 Pierre 1:10

Awayanga-Nzapa agi ando mingi na alege nde nde nda ti tënë so atene, Nzapa ayeke soo azo so. Ala tene nga kozoni tënë ti nzoni be ti Nzapa so lo ye ti sara na ala, a-ita.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.