Jean 1:49 - Mbeti ti Nzapa - Tënë so amu fini

⁴⁹ Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 1:49 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 2:2

Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Matthieu 23:7

Ala ye titene azo abara ala na ndo so azo abongbi daa si airi ala ‘Wafango-ye’.

Matthieu 23:8

Me ti ala azo ti mbi, ayeke nzoni ala yeda titene azo airi ala ‘Wafango-ye’ pepe, ngbanga ti so ala kue ayeke a-ita si Wafango-ye na ala ayeke gi oko.

Matthieu 27:11

Jésus aluti na gbe ti govoronere Pilate. Pilate ahunda lo, atene: “Mo yeke gbia ti azuife?” Jésus akiri tënë na lo: “Ni laa mo tene so.”

Matthieu 27:42

“Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Marc 15:32

Ayeke nzoni *Mesii ni, gbia ti Israel, alondo fadeso na ndö ti keke ti kroa ni azu na sese, e baa! Tongaso, fade e ma na be na lo.” Ala so a kanga ala na ndö ti akeke ti kroa na tere ti Jésus ayeke zonga nga lo.

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 1:38

Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Jean 1:50

Jésus akiri tënë na lo, atene: “Mo ma na be, ngbanga ti so mbi tene: ‘Mbi baa mo na gbe ti keke ti fige so’? Fade mo yeke baa ambeni kota ye so ahon ti so!”

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 4:31

Na ndembe so wali ni ahon, adisiple ti Jésus atene na lo: “Wafango-ye, te kobe!”