Jean 1:45 - Mbeti ti Nzapa - Tënë so amu fini

⁴⁵ Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 1:45 ပူးပေါင်းရင်းမြစ်များ

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 53:2

Na le ti KOTA GBIA, zo ti kua ni akono tongana mbeni kete keke so ayeke sigigi, tongana gunda ti keke so ayeke sigigi na ya ti holengo sese. Lo kpa zo pepe, pendere ti lo so ayeke gboto zo ti baa ndo na mbage ti lo ayeke daa pepe. Mbeni nzoni ye na tere ti lo so anzere na e ayeke daa pepe.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Marc 14:67

Lo baa Pierre so ayeke duti na tere ti wâ, lo baa le ti Pierre si lo tene na lo: “Mo nga, mo yeke lani na tere ti Jésus, zo ti kodro ti Nazaret!”

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Nzoni Tënë so Luc asu na mbeti 18:37

Azo atene na lo: “Jésus, zo ti Nazaret laa ayeke hon so.”

Nzoni Tënë so Luc asu na mbeti 2:4

Joseph nga alondo na gbata ti Nazaret, na sese ti Galile ti gue na Judée, na Betlehem, gbata so a du gbia David daa. Biani, lo gue kâ, ngbanga ti so lo yeke mbeni *hale ti David.

Nzoni Tënë so Luc asu na mbeti 2:48

So babâ na mama ti lo abaa lo, li ti ala kue akpe si mama ni atene na lo: “Molenge ti mbi, mo sara mara ti ye tongaso na e ngbanga ti nyen? Baa, mbi na babâ ti mo, e gi mo gbaa, be ti e kue ayeke na nduzu.”

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Nzoni Tënë so Luc asu na mbeti 3:23

So Jésus ato nda ti kua ti lo, andaa lo yeke nduru na ngu baleota. Azo abaa ti ala atene, lo yeke molenge ti Joseph, molenge ti Eli.

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Jean 1:44

Philippe ayeke zo ti Betsaida, kete kodro ti André na ti Pierre.

Jean 12:21

Ala ga nduru na Philippe, zo ti Betsaida, na sese ti Galile; ala tene na lo: “Kota zo, e ye ti baa Jésus.”

Jean 14:8

Philippe atene na lo: “Kota Gbia, fa na e Babâ, awe.”

Jean 18:5

Ala kiri tënë na lo, atene: “E yeke gi Jésus, zo ti Nazaret.” Lo kiri tënë, lo tene: “Mbi laa.” Andaa Judas, zo ti kango Jésus ayeke na popo ti azo ni.

Jean 18:7

Jésus akiri ahunda ala, atene: “Ala yeke gi zo wa?” Ala tene na lo: “E yeke gi Jésus, zo ti Nazaret.”

Jean 19:19

Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

Jean 21:2

Simon Pierre, Thomas – so a iri lo Ngbo –, Natanael, zo ti kodro ti Kana na Galile, amolenge ti Zebede na ambeni disiple use kue abongbi na ndo oko.

Jean 6:42

Ala hunda tere ti ala, atene: “So Jésus, molenge ti Joseph, so e hinga babâ ti lo na mama ti lo so laa pepe? Tongana nyen laa fadeso lo tene: ‘Mbi londo na yayu si mbi ga so?’”

Jean 6:5

So Jésus amu le ti lo na nduzu, lo baa gba ti azo ayeke ga na peko ti lo. Tongaso lo hunda Philippe, lo tene: “Fade e yeke wara kobe na ndo wa ti vo si alingbi na azo so kue?”

Jean 6:7

Philippe akiri tënë na lo: “Ataa e yeke na ale ti nginza ngbangbo use, so ayeke lingbi ande ti vo na kobe si zo oko oko awara kete ate?”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 22:8

Mbi hunda ndo, mbi tene: ‘Mo yeke zo wa, *Kota Gbia?’ Go ni atene: ‘Mbi Jésus ti Nazaret laa mo yeke sara ngangu na mbi so.’

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.

Awatokua 3:6

Me Pierre atene na lo: “Mbi yeke na nginza wala lôro pepe, me ye so mbi yeke na ni, mbi yeke mu na mo: na iri ti Jésus Christ, zo ti Nazaret, londo, mo tambula!”