Jean 1:38 - Mbeti ti Nzapa - Tënë so amu fini

³⁸ Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Jean 1:38 ပူးပေါင်းရင်းမြစ်များ

1 Agbia 10:8

Ti ala nzoni, azo ti mo! Ti ala nzoni, azo ti kua ti mo, ala so ayeke duti na tere ti mo lakue ti ma atënë ti ndara ti mo so!

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

Abia ti demango tere 5:19

Me mo KOTA GBIA, mo duti gbia lakue lakue, mbata ti mo ti gbia ayeke ngba na lege ti molongo ti dutingo ti azo oko oko kue. Komandema ti mo ayeke hunzi pepe, komandema ni ayeke ngba kpu na kpu.

Nzoni Tënë so Luc asu na mbeti 10:39

Lo yeke na mbeni ita ti lo ti wali so iri ti lo Marie. Marie aduti na sese na tere ti gere ti *Kota Gbia si lo yeke ma tënë so lo yeke tene.

Nzoni Tënë so Luc asu na mbeti 14:25

Jésus na gba ti azo ayeke tambula oko na lege ti gue. Lo baa ndo na peko si lo tene na ala:

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Nzoni Tënë so Luc asu na mbeti 19:5

So Jésus asi na ndo ni so, lo yo le ti lo na nduzu si lo tene na Zachée: “Zachée, zu na sese hio! Alingbi mbi lango na da ti mo laso!”

Nzoni Tënë so Luc asu na mbeti 22:61

*Kota Gbia abaa ndo na peko, lo baa le ti Pierre si Pierre adabe ti lo na tënë so Kota Gbia atene: “Laso, kozo titene koli-kondo atoto, fade mo yeke bere tënë ti mbi fani ota.”

Nzoni Tënë so Luc asu na mbeti 8:38

Koli so asioni yingo asigigi fade na ya ti lo so ahunda mingi na Jésus ti ngba na tere ti lo. Me Jésus ake na lo, atene:

Jean 1:37

Adisiple ti Jean use ama tënë so si ala mu peko ti Jésus.

Jean 1:39

Jésus akiri tënë na ala, atene: “Ala ga abaa!” Tongaso ala gue si ala baa ndo so Jésus ayeke lango daa. Ala ngba na tere ti lo na lango ni so. Andaa ngbonga aga nduru na ngbonga osio ti peko ti bekombite.

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 12:21

Ala ga nduru na Philippe, zo ti Betsaida, na sese ti Galile; ala tene na lo: “Kota zo, e ye ti baa Jésus.”

Jean 18:4

Jésus ahinga fade ye so kue ayeke si ande na lo. Nilaa lo gue nduru na ala si lo hunda ala, lo tene: “Ala yeke gi zo wa?”

Jean 18:7

Jésus akiri ahunda ala, atene: “Ala yeke gi zo wa?” Ala tene na lo: “E yeke gi Jésus, zo ti Nazaret.”

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Jean 3:26

Ala gue, awara Jean si ala tene na lo: “Wafango-ye, koli so lani mo na lo ayeke na mbage ti ngu ti Jourdain kâ so, lo so mo fa peko ti tënë ti lo so, baa, lo kiri lo yeke batize azo si azo kue ayeke gue gi na lo!”

Jean 4:31

Na ndembe so wali ni ahon, adisiple ti Jésus atene na lo: “Wafango-ye, te kobe!”

Jean 6:25

Azo ni awara Jésus na mbage ti ngu ni si ala hunda lo, atene: “Wafango-ye, mo si ge lawa?”

Awatokua 10:21

Tongaso Pierre azu si lo tene na ala: “Mbi laa ala yeke gi mbi so. Mbeni tënë ayeke daa?”

Awatokua 10:29

Ndani laa, na ndembe so ala tokua ti iri mbi, mbi gi be ti mbi pepe si mbi ga. Fadeso mbi hunda ala, mbeni tënë ayeke daa si ala iri mbi ti ga ndali ni so?”

Ruth 1:16

Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.