Jean 1:37 - Mbeti ti Nzapa - Tënë so amu fini

³⁷ Adisiple ti Jean use ama tënë so si ala mu peko ti Jésus.

Jean 1:37 ပူးပေါင်းရင်းမြစ်များ

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Zakarii 8:21

Fade azo ti mbeni gbata ayeke tene na azo ti mbeni gbata nde, atene: ‘Ala ga, e gue, e voro KOTA GBIA, e gi le ti KOTA GBIA so ayeke na ndö ti dunia kue.’ Fade azo ni ayeke kiri tënë: ‘E nga, e yeke gue!’

Jean 1:36

Lo baa Jésus na hongo ni si lo tene: “Baa, Kete Taba ti Nzapa laa!”

Jean 1:38

Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Jean 1:43

Lango oko na pekoni, Jésus aleke na be ti lo ti gue na sese ti Galile. Lo tengbi na Philippe si lo tene na lo: “Mu peko ti mbi!”

Rome 10:17

Tongaso, mabe aga na lege ti mango tënë, mango tënë aga na lege ti fango tënë ti Christ.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.