Jean 1:29 - Mbeti ti Nzapa - Tënë so amu fini

²⁹ Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 1:29 ပူးပေါင်းရင်းမြစ်များ

Sigingo 28:38

Aaron ayeke yu palata ni so lakue na ndö ti le ti lo na ndembe so lo yeke ga na dawa ti mbi KOTA GBIA. Ndali ni, mbi yeke yeda na *asandaga so azo ti Israel ayeke ya na mbi, ataa ala sara asioni ye na lege ti gango na asandaga ni na mbi.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Awayango-sandaga 10:17

“Nyama so azo aga na ni ndali ti sandaga ti zingo siokpari na li ti ala so, ngbanga ti nyen si ala te kasa ni na ndo so ayeke nde si ayeke nzoni kue pepe so? Biani, ye ni ayeke nde si ayeke nzoni kue ahon atanga ni! KOTA GBIA amu fade nyama so na ala titene ala zi na sioni ti bongbi ti azo ti Israel; ala ya ni na dawa ti lo titene lo zi siokpari na li ti ala.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Wungo ti azo 18:1

Tongaso KOTA GBIA atene na Aaron: “Tongana mbeni zo asara sioni ye ti ke da so ayeke nde si ayeke nzoni kue, fade tënë ni ayeke na li ti mo, na amolenge ti mo nga na azo ti sewa ti babâ ti mo. Âdu ti mo na ti amolenge ti mo, tongana ala sara sioni ye na ya ti kua ti ala ti wayango-sandaga, fade tënë ni ayeke na li ti ala wani.

Wungo ti azo 18:23

Gi azo ti mara ti Lévi laa ayeke sara akua ti da ti bongo so mbi na azo ti mbi, e yeke wara tere daa; ye ti sioni so ala yeke sara, tënë ni ayeke ngba gi na li ti ala wani. Ndia so ayeke ngba ndali ti ala kpu na kpu, ala na *ahale ti ala. Na popo ti azo ti Israel kue, ala lingbi ti wara sese pepe.

Wungo ti azo 21:9

Moïse aleke ngbo ni na bengba wen, lo kanga ni na ndö ti keke na nduzu. Tongana ngbo ate mbeni zo si zo ni abaa ndo na mbage ti ngbo ti bengba wen ni, lo yeke kui pepe.

Wungo ti azo 7:27

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Wungo ti azo 7:39

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Jean 1:35

Lango oko na pekoni, Jean angba gi na oko ndo ni so, lo na adisiple ti lo use.

Jean 1:36

Lo baa Jésus na hongo ni si lo tene: “Baa, Kete Taba ti Nzapa laa!”

Jean 1:43

Lango oko na pekoni, Jésus aleke na be ti lo ti gue na sese ti Galile. Lo tengbi na Philippe si lo tene na lo: “Mu peko ti mbi!”

Jean 2:1

Lango use na pekoni, mbeni matanga ti mungo tere ti koli na wali aduti na kete kodro ti Kana, na sese ti Galile. Mama ti Jésus ayeke kâ.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Awatokua 13:39

Na lege ti Jésus laa azo so kue ama na be, a zi siokpari na li ti ala.

Awatokua 8:32

Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 14:1

Mbi kiri mbi baa ndo, mbi baa Molenge ti Taba so aluti na ndö ti hoto ti *Sion. Azo saki ngbangbo oko na baleosio na osio ayeke luti na tere ti lo. Iri ti lo, na ti Babâ ti lo ayeke na ndö ti le ti ala.

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:7

Ayeke nzoni e sara ngia, e dodo na ngia! E gonda lo! Biani, ndembe ti matanga ti mungo wali ti Molenge ti Taba alingbi awe! Wali so lo ye ti mu lo so aleke tere ti lo awe.

Aye so Nzapa afa 19:9

*Ange ni atene na mbi: “Su tënë so na mbeti: ‘Ti ala nzoni, azo so a tisa ala ti gue na matanga ti mungo wali ti Molenge ti Taba!’ ” Ange ni akiri atene: “So taa atënë so alondo na Nzapa.”

Aye so Nzapa afa 21:14

A leke agere ti gbagba ni na ndö ti têne baleoko na use; a su iri ti *awatokua baleoko na use ti Molenge ti Taba na ndö ti atêne ni oko oko.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.

Aye so Nzapa afa 21:9

Mbeni oko ti *a-ange mbarambara so agbu akopo mbarambara so tanga ti aye ti sioni mbarambara ayeke daa so, lo ga lo tene na mbi: “Ga, mbi fa na mo wali so Molenge ti Taba aye ti mu lo titene lo ga wali ti lo so.”

Aye so Nzapa afa 5:6

Na pekoni, mbi baa mbeni Molenge ti Taba, lo yeke luti na tere ti mbata ti gbia so ayeke na popo ti aye osio so ayeke na fini na akangba. Molenge ti Taba ni akpa taba so azo afâ lo awe. Adidi ti lo ayeke mbarambara. Ale ti lo ti bango na ndo ayeke mbarambara; ale ni ayeke ayingo mbarambara so Nzapa atokua ala na ndö ti sese mobimba.

Aye so Nzapa afa 5:8

So lo mu ni awe, aye osio so ayeke na fini na akangba baleuse na osio kue akuku na gbe ti lo. Ala kue ayeke na akundi nga na akopo ti lôro so yombo asi singo na ya ni; yombo ni ayeke sambela ti azo ti Nzapa.

Aye so Nzapa afa 6:1

Na pekoni, mbi baa Molenge ti Taba azi kozo *nzoroko ti anzoroko mbarambara so; mbi ma mbeni oko ti aye osio so ayeke na fini adekongo, go ti lo akpa toto ti bekpa, lo tene: “Ga!”

Aye so Nzapa afa 6:16

Ala tene na ahoto na atêne ni, atene: “Ala ti na ndö ti e. Ala honde e si lo so lo yeke duti na ndö ti mbata ti gbia so abaa e pepe, tongaso si e kpe ngonzo ti Molenge ti Taba so!

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.