Jean 1:12 - Mbeti ti Nzapa - Tënë so amu fini

¹² Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 1:12 ပူးပေါင်းရင်းမြစ်များ

2 Samuel 7:24

Mo zia azo ti Israel titene ala duti mbirimbiri azo ti mo kpu na kpu; ti mo KOTA GBIA, mo ga Nzapa ti ala.

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Matthieu 12:21

Fade amara nde ayeke zia be ti ala ti ku lo.”

Matthieu 18:5

Zo so ayamba mbeni kete molenge tongana lo so na iri ti mbi, andaa mbi wani laa lo yamba mbi.”

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 1:7

Lo ga ti fa peko ti ye so lo hinga na ndö ti lumiere, tongaso si azo kue ama na be na lege ti lo.

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 2:23

So Jésus ayeke na Jérusalem, na *matanga ti Pake, azo mingi abaa aye ti kpene so lo sara si ala ma na be na lo.

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 3:18

Zo so ama na be na Molenge ni, ngbanga ayeke na li ti lo pepe; me zo so ama na be pepe, Nzapa afâ ngbanga na li ti lo awe, ndali ti so lo ma na be na oko Molenge ti Nzapa pepe.

Awatokua 3:16

Koli so ala yeke baa lo si ala hinga lo so, ngangu akiri na ya ti tere ti lo ndali ti so lo ma na be na iri ti Jésus. Na lege so lo ma na be na Jésus, tere ti lo akiri aga nzoni; ye ni laa ala kue ayeke baa so.

Rome 8:14

Biani, azo so Yingo ti Nzapa ayeke fa lege na ala, ala yeke amolenge ti Nzapa.

Rome 8:16

Yingo-Vuru wani laa ayeke tene na yingo ti e, atene: e yeke amolenge ti Nzapa.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Kolose 2:6

So ala yeda titene Jésus Christ aga *Kota Gbia ti ala awe, ayeke nzoni ala sara ye tongana azo so aga oko na lo.

2 Pierre 1:4

Na lege ti aye ni, Nzapa amu na e anzoni ye ti kota ngere so lo mu ando zendo ni na e. Tongaso, ala yeke kpe lege ti sioni nzara ti sarango aye ti dunia so, asioni ye so ayeke buba azo ti dunia so si dutingo ti ala akpa ti Nzapa.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.