Jean 1:11 - Mbeti ti Nzapa - Tënë so amu fini

¹¹ Lo ga na taa kodro ti lo, me azo ti kodro ti lo ayamba lo pepe.

Jean 1:11 ပူးပေါင်းရင်းမြစ်များ

Matthieu 15:24

Jésus akiri tënë na ala: “Nzapa atokua mbi gi na azo ti Israel so ala yeke tongana ataba so agirisa.”

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Jean 1:10

Tënë ni ayeke na dunia so. Na lege ti lo laa dunia abaa gigi, me azo ti dunia ahinga lo pepe.

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 19:27

Na pekoni, lo tene na disiple ni: “Baa, mama ti mo laa.” Ti londo na ndembe ni so, disiple ni amu mama ti Jésus na da ti lo.

Jean 3:32

Lo yeke fa gi peko ti tënë ti aye so lo baa si lo ma; me zo oko ti yeda na tënë so lo yeke fa so ayeke daa pepe.

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 21:6

Na peko ti so e kue, e bara tere awe, e ko na ya ti mangboko; ti ala, ala kiri na ndo ti ala.

Rome 15:8

Biani, mbi tene na ala: Nzapa angba na ndö ti tënë so lo tene. Ndani laa Christ aga zo ti sarango kua na azuife ti sara ye alingbi na zendo so Nzapa amu ando na akotara ti e.

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife