Jacques 5:9 - Mbeti ti Nzapa - Tënë so amu fini

⁹ A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

Jacques 5:9 ပူးပေါင်းရင်းမြစ်များ

Tongo nda ti aye 4:7

Tongana mo sara ye nzoni, fade mo yeke duti na ngia. Me tongana mo sara ye sioni, siokpari ayeke lango na yanga ti da ti mo ti ku mo. Lo yeke na nzara ti mo. Ti mo, alingbi mo hon ndö ti siokpari ni.”

Abia (Psaumes) 59:15

Na lakui, ala kiri aga, ala yeke dekongo tongana ambo; ala yeke tambula, ala ngoro gbata ni.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Matthieu 24:33

Legeoko nga, tongana ala baa aye so kue, ayeke nzoni ala hinga atene, *Molenge ti Zo aga nduru awe; lo yeke na yanga ti da.

Marc 13:29

Legeoko nga, tongana ala baa aye so asi, ayeke nzoni ala hinga atene, lango ti gango ti *Molenge ti Zo aga nduru awe; lo yeke na yanga ti da.

Marc 6:19

Be ti Herodiade ake Jean mingi si lo ye titene a fâ lo, me lo wara lege ni pepe.

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

Galasii 5:14

Biani, Ndia kue abongbi na ya ti tënë oko so: “Alingbi mo ye mba ti mo zo tongana ti so mo ye tere ti mo wani.”

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

Jacques 4:12

E hinga so gi Nzapa oko laa aleke ndia, lo yeke nga wafango-ngbanga. Lo laa lo lingbi ti soo zo, lo lingbi nga ti sara si zo akui. Mo so mo yeke fâ ngbanga na li ti mba ti mo so, mo yeke ti mo zo wa?

Jacques 5:10

A-ita, tongana ayeke tënë ti pasi na kangango be na ya ti pasi, ala mu gi tapande ti awayanga-Nzapa so atene tënë na iri ti Kota Gbia ando so.

Jacques 5:7

A-ita, ala kanga be ti ala ti ku lango ti gango ti *Kota Gbia. Ala baa zo ti fango yaka: lo yeke kanga be ti lo ti ku anzoni kobe ti yaka ti lo, lo yeke ku ngbii akozo ngu-Nzapa na angu ti ndani apika si.

1 Pierre 4:5

Me fade azo ni ayeke luti na le ti Nzapa ti fa peko ti aye so ala sara, Nzapa so ayeke nduru ti fâ ngbanga ti azo so ade na fini na ala so akui awe.

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.

Aye so Nzapa afa 3:20

Baa, mbi yeke luti na yanga ti da si mbi yeke pika ni. Zo so ama go ti mbi si lo zi yanga ti da ni, fade mbi yeke li na ya ti da ti lo si mbi na lo, e yeke te kobe.