Jacques 5:16 - Mbeti ti Nzapa - Tënë so amu fini

¹⁶ Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Jacques 5:16 ပူးပေါင်းရင်းမြစ်များ

Tongo nda ti aye 19:29

Me na ndembe so Nzapa abuba agbata so ayeke na lando ni kâ so, lo dabe ti lo na Abraham. Lo zi Lot na ya ti ye ti sioni na ndembe so agbata ni aga kirikiri.

Tongo nda ti aye 20:17

Abraham asambela ndali ti Abimelek si Nzapa akai kobela na tere ti Abimelek, na wali ti lo, na azo ti kua ti lo ti wali si ala kiri adu amolenge.

Tongo nda ti aye 20:7

Mo kiri na wali ti koli so na lo, ngbanga ti so koli ni ayeke wayanga-Nzapa. Fade lo yeke sambela ndali ti mo titene mo ngba na fini. Me tongana mo kiri na wali ni pepe, ayeke nzoni mo hinga, mo tene, mo na azo ti mo kue ayeke kui biani.”

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

2 Samuel 19:19

kozo titene ngo so ayo gbia na asewa ti lo afâ ngu. Azo ni aye fade ti sara ye alingbi na yanga so gbia amu. So gbia afâ ngu awe, Shimei, molenge ti Gera ati na sese na gbe ti gbia

1 Agbia 13:6

Gbia amu tënë si lo tene na zo ti Nzapa so, lo tene: “Mbi gbu gere ti mo, mo toto na KOTA GBIA, Nzapa ti mo titene ngonzo ti lo ade. Mo sambela lo ndali ti mbi titene mbi kiri na maboko ti mbi na tere ti mbi.” Zo ti Nzapa so asambela si ngonzo ti KOTA GBIA ade; gbia akiri na maboko ti lo na tere ti lo tongana ti kozoni.

2 Mbai 30:20

KOTA GBIA ama sambela ti Ezekias si lo zia ti sara sioni na azo ni.

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Sigingo 17:11

Tongana Moïse ayo maboko ti lo na nduzu, azo ti Israel ahon ala na ngangu; me tongana lo zia maboko ti lo na sese, azo ti Amalek ahon azo ti Israel na ngangu.

Sigingo 9:33

Moïse alondo na ndo ti gbia Faraon nga na ya ti gbata ni, lo sigigi. Lo yoro maboko ti lo na mbage ti KOTA GBIA si lo sambela. Tongaso bekpa na pembe ti bekpa akai; ngu-Nzapa akiri apika pepe.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Wungo ti azo 11:2

Azo ti Israel adekongo na Moïse, lo sambela KOTA GBIA si wâ ni amingo.

Matthieu 21:22

Ye so kue ala yeke hunda na mabe na lege ti sambela, fade ala yeke wara ni.”

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Marc 1:5

Azo ti sese ti Judée kue na ala ti gbata ti Jérusalem aga na mbage ti Jean. Ala fa asiokpari ti ala na gigi si Jean abatize ala na ya ti ngu ti Jourdain.

Nzoni Tënë so Luc asu na mbeti 9:6

Adisiple ague, atambula na ya ti akete kodro oko oko kue ti fa Nzoni Tënë, ala kai nga akobela na tere ti azo na ndo so kue ala hon daa.

Jean 9:31

E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 19:18

Azo mingi so ama na be aga si ala fa na le ti azo kue aye ti sioni so ala sara.

Awatokua 8:24

Simon akiri tënë, atene: “Ala wani asambela Kota Gbia ndali ti mbi si sioni so ala tene tënë ni so asi na mbi pepe.”

Rome 3:10

Mbeti ti Nzapa atene: “Zo ti mbirimbiri ayeke daa pepe, ataa oko ayeke daa pepe.

Rome 5:19

Azo mingi aga azo ti siokpari na lege ti kengo yanga ti zo oko; legeoko nga, azo mingi aga mbirimbiri na lege ti zo oko.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

1 Tesalonike 5:17

ala ngba ti sambela lakue,

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

1 Tesalonike 5:25

A-ita, ala sambela Nzapa nga ndali ti e.

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

Ahebro 13:18

Ala sambela ndali ti e. E hinga biani na be ti e, e tene, mbeni ye ti sioni ayeke na be ti e pepe; e ye si sarango ye ti e ayeke nzoni na ya ti aye kue.

Josué 10:12

Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.

1 Samuel 1:12

So Anne angba ti sambela KOTA GBIA si sambela ni aninga, Heli ayeke baa yanga ti lo.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:18

Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.