Jacques 5:15 - Mbeti ti Nzapa - Tënë so amu fini

¹⁵ Tongana ala sambela na mabe, sambela ni ayeke soo zo ti kobela ni; Kota Gbia ayeke mu lo na nduzu. Tongana zo ni asara siokpari, Nzapa ayeke zi ni na li ti lo.

Jacques 5:15 ပူးပေါင်းရင်းမြစ်များ

Ésaïe 33:24

Mbeni zo oko so alango na Jérusalem ayeke tene pepe: “Tere ti mbi aso.” A yeke zi siokpari na li ti azo ti gbata ni.

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Jean 5:14

Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”

Jean 6:39

Ye so be ti lo so atokua mbi aye, ayeke so: na popo ti azo so lo mu ala na mbi, mbi girisa mbeni zo oko pepe, me lo ye si mbi zingo ala kue na kuâ na lango ti ndani.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

2 Korente 4:14

Biani, e hinga so, Nzapa so azingo Kota Gbia Jésus na kuâ, fade lo yeke zingo nga e na Jésus si lo yeke zia e na ala titene e duti na tere ti lo.

Jacques 1:6

Me alingbi zo ni ahunda ye ni na mabe, lo dekite pepe, ngbanga ti so zo so adekite akpa gi *mapo ti kota ngu-ingo so pupu ayeke mu ni na nduzu si ayeke yingi ni kirikiri.

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Jacques 5:20

Alingbi ala hinga atene, zo so agboto zo na sioni lege ti siokpari si akiri na lo na nzoni lege, fade lo yeke sara titene zo ni asoo kuâ; lo yeke sara nga titene Nzapa azi gba ti asiokpari so ayeke na li ti zo ni.