Jacques 5:14 - Mbeti ti Nzapa - Tënë so amu fini

¹⁴ Mbeni zo na popo ti ala ayeke na kobela? Alingbi lo iri *akangba ti *Eglize; fade ala yeke sara mafuta na tere ti lo na iri ti Kota Gbia, ala sambela na ndö ti lo.

Jacques 5:14 ပူးပေါင်းရင်းမြစ်များ

1 Agbia 17:21

Élie alango na ndö ti molenge ni fani ota; lo sambela KOTA GBIA, lo tene: “KOTA GBIA, Nzapa ti mbi, mbi voro mo, sara si yingo ti molenge so akiri daa!”

2 Agbia 4:33

Élisée ali na ya ti kubu ni, lo kanga yanga ti da na li ti lo na molenge ni si lo sambela KOTA GBIA.

2 Agbia 5:11

Ngonzo agbu Naaman mingi; lo londo ti gue si lo tene: “Mbi baa ti mbi fade mbi tene, wayanga-Nzapa ni wani ayeke sigigi ti luti na dawa ti mbi, ti yoro maboko ti lo na ndo so kobela ti buruma ni ayeke daa, ti sambela *KOTA GBIA, Nzapa ti lo si buruma ni ahunzi.

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Marc 6:13

Ala tumba asioni yingo mingi si ala kai kobela ti azo mingi na sarango mafuta na tere ti azo ni.

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 15:4

So ala si na Jérusalem, azo ti Eglize, awatokua na akangba ayamba ala. Paul na Barnabas afa na ala peko ti aye so kue Nzapa asara na lege ti ala.

Awatokua 28:8

Babâ ti Publius ayeke na gbogbo; lo yeke na kobela ti wâ ti tere si lo yeke sasa na mene. Paul ague, abaa lo, lo zia maboko na ndö ti lo, lo sambela si kobela ti lo akai.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.