Jacques 5:13 - Mbeti ti Nzapa - Tënë so amu fini

¹³ Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

Jacques 5:13 ပူးပေါင်းရင်းမြစ်များ

1 Mbai 16:9

Ala he bia na lo, ala pika mozoko na lo; ala tene tënë ti aye ti kpene so kue lo sara!

Mbeti ti Job 33:26

Tongana lo sambela, Nzapa ayeke yeda na lo, lo luti na dawa ti Nzapa, lo yeke dekongo na ngia, ngbanga ti so Nzapa azi tënë na li ti lo awe.

Abia (Psaumes) 105:2

Ala he bia na lo, ala pika mozoko na lo; ala tene tënë ti aye ti kpene so kue lo sara!

Abia (Psaumes) 118:5

So aye ti ngangu ahon ndö ti mbi, mbi iri KOTA GBIA, lo yeda si lo sara si mbi wu pupu.

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Abia (Psaumes) 95:2

E ga, e luti na le ti lo ti mu singila na lo, e pika mozoko ti gonda na lo,

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Daniel 5:4

So ala kue anyon samba ni agbu le ti ala awe, ala londo ti gonda anzapa so a sara ala na lôro na wen ti nginza; ala so a sara ala na bengba wen, na wen, na keke nga na têne.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Jonas 2:2

Na ya ti susu ni, Jonas asambela KOTA GBIA Nzapa ti lo,

Jonas 2:7

Mbi linda ngbii, mbi si na gere ti ahoto, yanga ti sese akanga na ndö ti mbi, akanga na ndö ti mbi biani biani; me, mo KOTA GBIA, Nzapa ti mbi, mo kiri mo mu mbi na gbe ni kâ si mo sigigi na mbi na fini.

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Matthieu 26:30

Na peko ti so ala he bia ti gondango Nzapa awe, ala mu lege ti gue na hoto ti a-olive.

Nzoni Tënë so Luc asu na mbeti 22:44

So mbeto angba ti sara lo ahon ndoni, lo kiri lo sambela Nzapa ngangu. Gbiki asigigi na tere ti lo tongana angbongboro mene si ayeke yuru na sese.]

Nzoni Tënë so Luc asu na mbeti 23:42

Na pekoni, lo tene: “Jésus, tongana mo kiri ande ti le-gbia, dabe ti mo na mbi!”

1 Korente 14:15

Fade mbi yeke sara nyen? Mbi yeke sambela na lege ti yingo, me mbi yeke sambela nga na lege so azo alingbi ti ma ya ni; mbi yeke he bia na lege ti yingo, me mbi yeke he nga bia na lege so azo alingbi ti ma ya ni.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

Efeze 5:19

Tongana ala bongbi, ala he abia ti Mbeti ti Nzapa, abia ti gondango Nzapa na abia so Yingo ayeke mu na ala. Ala he abia si ala sepela Kota Gbia na be ti ala kue.

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Jacques 5:10

A-ita, tongana ayeke tënë ti pasi na kangango be na ya ti pasi, ala mu gi tapande ti awayanga-Nzapa so atene tënë na iri ti Kota Gbia ando so.

Aye so Nzapa afa 14:3

Azo so aluti na dawa ti mbata ti gbia, nga na dawa ti aye osio so ayeke na fini nga na *akangba so, ala yeke he fini bia. Mbeni zo nde alingbi ti manda bia ni so pepe, gi azo ti sese saki ngbangbo oko na baleosio na osio so Nzapa asoo ala awe.

Aye so Nzapa afa 7:10

Ala yeke dekongo ngangu, atene: “Nzapa ti e so aduti na ndö ti mbata ti gbia, lo na Molenge ti Taba, ala laa asoo e!”