Jacques 5:11 - Mbeti ti Nzapa - Tënë so amu fini

¹¹ Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

Jacques 5:11 ပူးပေါင်းရင်းမြစ်များ

1 Mbai 21:13

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia mbi ti na maboko ti KOTA GBIA, ngbanga ti so nzoni be ti lo ayeke kota mingi; me mbi ye ti ti na maboko ti azo pepe.”

2 Mbai 30:9

Tongana ala kiri na mbage ti KOTA GBIA, azo so agbu a-ita ti ala na amolenge ti ala si ague na ala na kodro wande, fade azo ni ayeke baa mawa ti a-ita ti ala na amolenge ti ala ni, ala yeke zia lege na ala ti kiri na ya ti kodro so. Biani, KOTA GBIA, Nzapa ti ala ayeke sara nzoni be si lo yeke baa mawa ti zo. Tongana ala kiri na mbage ti lo, lo yeke bi le ti lo yamba na ala pepe.”

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Néhémie 9:31

Me na lege ti kota nzoni be ti mo, mo fâ ala kue ti hunzi ala pepe, mo zia ala pepe, ngbanga ti so mo yeke Nzapa so ayeke sara nzoni be na zo si ayeke baa mawa ti zo.

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

Mbeti ti Job 1:2

Lo du amolenge-koli mbarambara nga na amolenge-wali ota.

Mbeti ti Job 2:10

Me Job akiri tënë na lo: “Mo yeke tene tënë tongana wali so li ti lo ayeke daa pepe. Tongana e wara nzoni ye na maboko ti Nzapa, e yeda; me tongana e wara sioni ye, e yeda pepe, ngbanga ti nyen?” Na ya ti aye so kue, Job asara siokpari na lege ti tënë ti yanga ti lo pepe.

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Abia (Psaumes) 103:13

Tongana ti so babâ aye amolenge ti lo mingi, KOTA GBIA aye mingi azo so akpe mbeto ti lo legeoko tongaso.

Abia (Psaumes) 103:8

KOTA GBIA ayeke baa mawa ti zo, lo yeke sara nzoni be na zo; lo yeke sara ngonzo hio hio pepe, me nzoni be ti lo asi singo.

Abia (Psaumes) 116:5

KOTA GBIA ayeke sara nzoni be na zo si lo yeke sara ye ti mbirimbiri; Nzapa ti e ayeke baa mawa ti zo.

Abia (Psaumes) 119:132

Turne tere ti mo na mbage ti mbi, baa mawa ti mbi, tongana ti so mo yeke sara ka na azo so aye mo.

Abia (Psaumes) 145:8

KOTA GBIA ayeke sara nzoni be na zo si lo yeke baa mawa ti zo; lo yeke sara ngonzo hio hio pepe, nzoni be ti lo asi singo.

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

Abia (Psaumes) 51:1

Bia so ayeke ndali ti makonzi-bia; bia ti David.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Sigingo 34:6

KOTA GBIA ahon na dawa ti Moïse si lo to mbela, lo tene: “Mbi yeke KOTA GBIA! Mbi yeke KOTA GBIA, Nzapa so mbi yeke baa mawa ti zo, mbi yeke sara nzoni be na zo, mbi yeke sara ngonzo hio hio pepe, nzoni be ti mbi asi singo si mbi yeke bata tënë ti yanga ti mbi lakue.

Zo ti bongbingo azo 7:8

Hunzingo mbeni ye ayeke nzoni ahon tongo nda ni; kangango be ayeke nzoni ahon sarango baba.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Abia ti demango tere 3:22

Anzoni be ti KOTA GBIA angba lakue, ndoye ti lo ayeke hunzi laoko pepe.

Daniel 9:9

KOTA GBIA Nzapa ti e, ataa so e sara ngangu li na mo, me ndali ti nzoni be ti mo, mo yeke zi siokpari na li ti e.

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Wungo ti azo 14:18

‘Mbi yeke KOTA GBIA, mbi yeke sara ngonzo hio hio pepe, nzoni be ti mbi asi singo, mbi yeke kanga be na ndö ti sioni na siokpari ti zo. Me zo so asara siokpari, mbi yeke zia lo senge pepe. Tongana mbeni zo asara siokpari, mbi yeke zi tënë ni na li ti lo pepe, ngbii asi na amolenge ti lo ti molongo ota ni wala osio ni.’

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.

Nzoni Tënë so Luc asu na mbeti 11:10

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Nzoni Tënë so Luc asu na mbeti 6:36

Ala sara nzoni be mingi na azo tongana ti so Babâ ti ala ayeke sara nzoni be mingi na azo.”

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Efeze 2:4

Me Nzapa abaa mawa ti e ahon ndoni, lo ye e mingi.

Ahebro 10:39

Ti e, e yeke azo so ayeke zia lege ti mabe pepe ngbanga ti e girisa. Me e yeke azo so ama na be ti soo kuâ.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

1 Pierre 3:14

Gi so oko pepe, me ti ala nzoni, tongana ala baa pasi ndali ti ye ti mbirimbiri so ala sara! Ala sara mbeto ti azo so pepe, be ti ala agi ala pepe!

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.