Jacques 5:1 - Mbeti ti Nzapa - Tënë so amu fini

¹ Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

Jacques 5:1 ပူးပေါင်းရင်းမြစ်များ

Abia (Psaumes) 17:14

KOTA GBIA, na maboko ti mo wani, ayeke nzoni mo tumba ala na popo ti azo, mo zi ala na ndö ti sese so! Ye so alingbi na ala na ndö ti dunia so laa! Ayeke nzoni ala nyon sengo ye so mo bata ndali ti ala; ala nyon ni asi ya ti ala. Ayeke nzoni amolenge ti ala anyon alingbi na ala, tanga ni angba ndali ti atara ti ala.

Amato 11:28

Zo so azia be ti lo na ndö ti amosoro ti lo, fade lo yeke ti; me azo ti mbirimbiri ayeke mai tongana keke so akugbe ni angba fini ni.

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 15:3

Na ndö ti abalabala, azo ayu bongo ti mua. Na li ti ada nga na ndo so gba ti azo ayeke wara tere daa, azo kue ayeke he abia ti demango tere si ala yeke toto.

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Ezekiel 19:2

“Mama ti ala ayeke lani zo wa? Lo yeke mbeni wali-bamara so alango na sese na popo ti abamara. Lo yeke mu kobe na amolenge ti lo na popo ti akete bamara.

Ezekiel 30:2

“*Molenge ti zo, tene tënë na iri ti mbi, mo tene: Tënë so Kota Gbia NZAPA atene ayeke so: Ala dema tere ti ala ndali ti lango ti mawa ni!

Joël 1:11

Azo ti fango yaka, be ti ala awoko kue awe; azo ti fango yaka ti vinye, ala dema tere, ngbanga ti so ble na *orze atia awe, akobe ti yaka abuba awe.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:5

Ala azo so ayeke angbaa ti samba, ala zingo, ala toto! Ala azo so kue ayeke nyon vin, ala dema tere ti ala, ngbanga ti so a zi fini vin na yanga ti ala awe.

Mishe 6:12

Azo ti mosoro ti gbata ni ayeke sara gi ngangu na zo; azo ti gbata ni ayeke tene gi mvene. Tënë so ayeke sigigi na yanga ti ala ayeke gi tënë ti handango zo.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Jacques 1:11

Lâ asigigi, asu ngangu si ahole pere ti kongo ni; kongo ni ati si pendere ni ahon. Ti zo ti mosoro ayeke nga gi tongaso: fade lo yeke kui si lo do akua ti lo ti zia.

Jacques 2:6

Me ti ala, ala yeke baa awayere na le ti ala tongana abuba zo! A-ita, azo wa laa ayeke gboto ala na sese si ayeke gue na ala na gbe ti azo ti fango ngbanga? Azo ti mosoro pepe?

Jacques 4:13

Fadeso, ala ma si, ala so ayeke tene: “Laso wala kekereke e yeke gue na gbata tongaso, e yeke sara ngu oko kâ, e yeke de buze si e yeke wara nginza mingi.”

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!