Jacques 4:6 - Mbeti ti Nzapa - Tënë so amu fini

⁶ Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

Jacques 4:6 ပူးပေါင်းရင်းမြစ်များ

2 Mbai 32:26

Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

2 Mbai 34:27

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti Nzapa. Na mango tënë so, mo sara tere ti mo kete na gbe ti mbi, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 9:12

Ala he bia na KOTA GBIA, lo so mbata ti lo ti gbia ayeke na *Sion; ala tene na amara tënë ti akota ye so lo sara.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 18:12

Kozo titene zo ati biani biani, be ti lo asi singo na baba. Kozo titene zo awara gonda, ayeke nzoni lo sara tere ti lo kete si.

Amato 22:4

Zo so asara tere ti lo kete, andaa lo kpe mbeto ti KOTA GBIA; ye so lo yeke wara na pekoni ayeke mosoro, azo ayeke ne lo si gigi ti lo ague, ayo.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 3:34

Lo yeke he azo ti hengo ndo, me lo yeke sara nzoni be na azo so asara tere ti ala kete.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Matthieu 13:12

Biani, zo so ayeke na ye, fade a kiri amu mbeni na ndö ni na lo si lo yeke na ye ahon ndoni; me zo so ayeke na ye pepe, ataa kete ye so lo yeke na ni, fade a yeke zi na maboko ti lo.

Matthieu 23:12

Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.