Jacques 4:4 - Mbeti ti Nzapa - Tënë so amu fini

⁴ Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Jacques 4:4 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Abia (Psaumes) 21:8

Biani, gbia azia be ti lo na ndö ti KOTA GBIA; ndali ti nzoni be ti Nzapa so ayeke na yayu kâ na ndö ti aye kue, fade mbeni ye ti yingi gbia ayeke daa pepe.

Abia (Psaumes) 50:18

Tongana mo baa zo ti nzi, mo yeke ga mba ti lo; mo yeke duti ndo oko na azo ti nzingo wali.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 9:2

*KOTA GBIA atene: “Menga ti ala ayeke tongana kokora so a gboto ya ni. Ala yeke ga kota na ya ti kodro ni na lege ti taa-tënë pepe, me na lege ti mvene. Ala yeke sara gi sioni ti gue na ni, me mbi, ala hinga mbi pepe; so tënë ti yanga ti KOTA GBIA laa.

Ezekiel 16:32

Mo yeke tongana wali so alango na akoli nde; lo ye awande na plase ti koli ti lo.

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Matthieu 12:39

Jésus akiri tënë na ala: “Azo ti fadeso ayeke azo ti sioni, ala ye ti ma yanga ti Nzapa pepe. Ala yeke hunda ti baa mbeni ye ti kpene; me fade ala yeke baa mbeni ye ti kpene oko pepe, gi ye ti kpene so asi ando na wayanga-Nzapa Jonas so alingbi awe.

Matthieu 16:4

Azo ti fadeso ayeke azo ti sioni, ala yeke ma yanga ti Nzapa pepe! Ala yeke hunda ti baa mbeni ye ti kpene, me fade ala yeke baa mbeni ye ti kpene oko pepe, gi ye ti kpene so asi ando na Jonas so alingbi awe!” Na pekoni, Jésus azia ala na ndo so si lo mu lege, lo hon.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Jean 17:14

Mbi mu na ala tënë ti mo si azo ti dunia so ake ala, ndali ti so ala yeke azo ti dunia so pepe, tongana ti so mbi nga, mbi yeke zo ti dunia so pepe.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Rome 5:10

Na ngoi so lani e yeke awato ti Nzapa, lo sara si songo akiri na popo ti e na lo na lege ti kuâ ti Molenge ti lo. Na ndö ti so kue, so songo akiri na popo ti e na lo awe, lo lingbi nga ti soo e na kuâ na lege ti fini ti Molenge ti lo.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.