Jacques 4:2 - Mbeti ti Nzapa - Tënë so amu fini

² Ala yeke sara nzara ti warango aye, me ala wara ni pepe. Tongaso ala ye ti fâ zo. Kota be ayeke sara ala, me ala lingbi ti wara ye so ala yeke sara nzara ni pepe, nilaa ala yeke papa, ala yeke tiri na popo ti ala. Ye so be ti ala aye, ala wara ni pepe, ngbanga ti so ala hunda na Nzapa pepe.

Jacques 4:2 ပူးပေါင်းရင်းမြစ်များ

1 Agbia 21:6

Akab akiri tënë na lo, atene: “Mbi tene na Nabot, zo ti gbata ti Yizreel, mbi tene: ‘Mu na mbi yaka ti vinye ti mo titene mbi vo ni, wala tongana mo ye, mbi mu na mo mbeni yaka ti vinye nde.’ Me lo kiri tënë na mbi, lo tene: ‘Mbi yeke mu na mo yaka ti vinye ti mbi pepe.’ ”

Amato 1:19

Biani, azo so ayeke wara ye na lege ti nzi, baa ye so ayeke ku ala laa: a yeke zi fini ti ala.

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Ésaïe 7:12

Ahaz akiri tënë: “Mbi yeke hunda ye oko pepe; mbi ye ti tara be ti KOTA GBIA pepe.”

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Jean 16:24

Ala de ti hunda mbeni ye na iri ti mbi pepe. Ayeke nzoni ala hunda ye, fade ala wara ni si ngia ti ala alingbi kue.”

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.

1 Jean 3:15

Zo so ake ita ti lo, lo yeke zo ti fango zo. Ala hinga kue, fini so angba lakue lakue ayeke duti ye ti zo ti fango zo pepe.