Jacques 4:13 - Mbeti ti Nzapa - Tënë so amu fini

¹³ Fadeso, ala ma si, ala so ayeke tene: “Laso wala kekereke e yeke gue na gbata tongaso, e yeke sara ngu oko kâ, e yeke de buze si e yeke wara nginza mingi.”

Jacques 4:13 ပူးပေါင်းရင်းမြစ်များ

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Zo ti bongbingo azo 2:1

Mbi tene na be ti mbi, mbi tene: “Ayeke nzoni mbi gi ti wara ngia, mbi tara nzerengo ye ti gigi so!” Me ye so nga ayeke gi senge senge.

Ésaïe 24:2

Ye so ayeke si na wayango-sandaga, gi ni laa ayeke si na senge zo; ayeke si na wa ti zo ti kua nga na zo ti kua ti lo; ayeke si na wali so ayeke wa ti zo ti kua nga na zo ti kua ti lo ti wali; ayeke si na zo ti kango ye nga na zo ti vongo ye; ayeke si na zo ti mungo yongo na amba ti lo nga na zo so ahunda yongo ni; ayeke si na zo so ayeke mu ye na amba ti lo ti wara mbeni ye na ndö ni nga na zo so afuta ye si azia mbeni na ndö ni.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.

1 Korente 7:30

Azo so ayeke toto, alingbi ala duti tongana ti so ala yeke toto fade pepe. Azo so be ti ala ayeke na ngia, alingbi ala duti tongana ti so be ti ala ayeke fade na ngia pepe. Azo so ayeke vo ye, alingbi ala duti tongana ti so ala yeke fade na ye pepe.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!