Jacques 4:12 - Mbeti ti Nzapa - Tënë so amu fini

¹² E hinga so gi Nzapa oko laa aleke ndia, lo yeke nga wafango-ngbanga. Lo laa lo lingbi ti soo zo, lo lingbi nga ti sara si zo akui. Mo so mo yeke fâ ngbanga na li ti mba ti mo so, mo yeke ti mo zo wa?

Jacques 4:12 ပူးပေါင်းရင်းမြစ်များ

Mbeti ti Job 38:2

Mo so mo yeke tene abuba tënë ti honde aye so mbi leke ti sara, mo yeke ti mo zo wa?

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Nzoni Tënë so Luc asu na mbeti 12:5

Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Rome 14:13

Tongaso, alingbi e zia ti kasa amba ti e. Me ye so ala lingbi ti leke na be ti ala ayeke so: ala zia na dawa ti ita ti ala pepe mbeni ye so lo lingbi ti pika gere ti lo daa ti ti na ya ti siokpari wala mbeni ye so alingbi ti pusu lo ti sara sioni ye.

Rome 14:4

Mo yeke ti mo zo wa ti kasa zo ti kua ti mbeni zo nde? Ataa lo ngba na nduzu wala lo ti, so abaa gi wa ti lo. Fade lo yeke ngba na nduzu, ndali ti so *Kota Gbia ayeke na ngangu ti sara si lo ngba na nduzu.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

1 Samuel 25:10

Nabal akiri tënë na azo ti kua ti David, atene: “David ni ayeke zo wa? Molenge ti Yese ni ayeke zo wa? Fadeso angbaa mingi ayeke kpe na ndo ti awa ti ala.