Jacques 3:6 - Mbeti ti Nzapa - Tënë so amu fini

⁶ Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

Jacques 3:6 ပူးပေါင်းရင်းမြစ်များ

2 Samuel 16:20

Absalom atene na Ahitofel: “Ala gbu li ti ala na ndö ti ye so e lingbi ti sara.”

2 Samuel 19:43

Azo ti Juda akiri tënë na azo ti Israel, atene: “Ngbanga ti so gbia ayeke taa sewa ti e! Ala sara ngonzo ngbanga ti nyen? Gbia laa abata e? Lo mu na e akadoo?”

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

Abia (Psaumes) 140:3

Ala yeke leke na be ti ala gi ye ti sioni, lakue, ala yeke gi lege ti sara bira.

Abia (Psaumes) 64:3

Honde mbi si ye so azo ti sioni aleke na tere ti mbi asi na mbi pepe; honde mbi si ye so azo ti sarango sioni ama tere ti sara na mbi awara mbi pepe.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Amato 7:5

Fade atënë ni ayeke gbanzi mo na tere ti wali ti zo; ala yeke gbanzi mo na tere ti wali wande so ayeke handa mo na lege ti anzerengo tënë ti lo.

Ésaïe 30:27

Baa, *KOTA GBIA wani alondo yongoro si lo yeke ga. Ngonzo ti lo ayeke tongana wâ so ayeke nika ye si ayeke gbi ndo. Yanga ti lo asi singo na ngonzo; menga ti lo ayeke tongana wâ so ayeke gbi ye kue.

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 28:16

Nilaa, tënë so KOTA GBIA atene ayeke so: ‘Mbi yeke zi mo na ndö ti sese; mo yeke kui gi na ngu so, ngbanga ti so mo pusu azo ti ke KOTA GBIA.’ ”

Awayango-sandaga 24:11

Iri ti mama ti molenge-koli ni ayeke Shelomit; Shelomit ayeke molenge ti Dibri ti wali; Dibri ayeke zo ti mara ti Dan. Molenge ti Shelomit azonga iri ti Nzapa si adeba lo. A mu molenge-koli ni ague na lo na Moïse.

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

Wungo ti azo 31:16

Ala hinga kue, lani na ya ti tënë ti Peor, awali ti mara ti Madian laa ama wango ti Balaam si ala pusu azo ti Israel ti sara siokpari ti ke KOTA GBIA. Ndani laa, kobela ti bubango kodro ati lani na ndö ti bongbi ti azo ti Israel.

Matthieu 12:24

So *afarizien ama tënë so, ala tene: “Koli so ayeke tumba asioni yingo gi na ngangu ti Beelzebul, makonzi ti asioni yingo!”

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 7:15

Ye so alondo na gigi si ali na ya ti zo, alingbi ti sara si zo ni aga *sioni pepe; me ye so ayeke sigigi na ya ti be ti zo laa asara lo ti ga *sioni. [

Nzoni Tënë so Luc asu na mbeti 16:24

Lo dekongo, lo tene: ‘Babâ Abraham, baa mawa ti mbi! Tokua Lazare, lo yoro li ti maboko ti lo na ya ti ngu si lo zia na menga ti mbi, ngbanga ti so mbi yeke baa pasi mingi na le ti wâ.’

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Awatokua 6:13

Ala gue, aga na ambeni zo na le ti ngbanga titene azo ni atene mvene na iri ti lo, atene: “Koli so ayeke tene gi sioni tënë lakue na tere ti kota da ti Nzapa nga na tere ti *Ndia ti Moïse.

Ndia ti fani use ni 13:6

Alingbi a fâ wayanga-nzapa ni so, wala zo ti bango aye na ya ti bango-li so, ngbanga ti so lo pusu ala ti ke KOTA GBIA Nzapa ti ala, lo so lo sara si ala sigigi na sese ti Ezipte, lo so lo zi ala na ndo so ala yeke lani angbaa daa. Zo ni aye titene ala mu mbeni lege nde na ti so KOTA GBIA Nzapa ti ala amu yanga na ala titene ala tambula daa. Lege so fade ala yeke zi sioni ye na popo ti ala laa.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Jacques 2:7

Gi azo ti mosoro so laa ayeke he nzoni iri so Nzapa azia na ndö ti ala!

Jacques 3:7

Zo alingbi ti sara si amara ti anyama kue ama yanga ti lo: anyama ti ngonda, andeke, anyama so ayeke hara harango na asusu.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.

Aye so Nzapa afa 18:23

Wâ ti lamba akiri ti za na ndo ti mo pepe. Na ndo ti mo, zo ayeke kiri ti ma pepe go ti koli na wali so amu tere fini fini. Nda ni ayeke so: azo ti dengo buze ti mo ayeke ngangu ahon ala ti sese si mo handa amara kue na lege ti sarango aye ti mazi ti mo!”

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.