Jacques 3:5 - Mbeti ti Nzapa - Tënë so amu fini

⁵ Legeoko nga, menga ayeke mbeni kete kete mbage ti tere ti zo, me menga ni ayeke gonda tere ti lo ndali ti so, lo lingbi ti sara akota ye mingi. Ala baa, gi senge kete kete menga ti wâ alingbi ti gbi kota gbako!

Jacques 3:5 ပူးပေါင်းရင်းမြစ်များ

Mbeti ti Job 22:17

Azo ni ayeke tene na Nzapa: “Zia e kpoo! Lo so ngangu ti lo ahon angangu kue so, nyen laa lo lingbi ti sara na e, nyen?”

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Abia (Psaumes) 17:10

Ala yeke baa mawa ti zo pepe, tënë ti baba asi singo na yanga ti ala.

Abia (Psaumes) 39:1

Bia ti David; bia so ayeke ndali ti makonzi-bia, nga ndali ti Yedutun.

Sigingo 15:9

Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Amato 12:18

Zo so ayeke diko atënë gbani gbani, atënë ni ayeke kpo zo tongana yongoro zeme; me atënë ti azo ti ndara ayeke tongana yoro ti kaingo na kobela.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Amato 26:20

Tongana keke ti wâ ahunzi, wâ ayeke mingo; tongana zo ti dungo mvene ayeke daa mbeni pepe, papa ayeke kai.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Jacques 3:4

Ala baa nga amangboko: ataa so ala yeke kota mingi si akota pupu ayeke pusu ala ti hon na ni, gi mbeni kete *kâî so ayeke na peko ti mangboko si ayeke sara titene mangboko ni ague na ndo so be ti zo ti kpengo na ni aye.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.