Jacques 3:18 - Mbeti ti Nzapa - Tënë so amu fini

¹⁸ Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.

Jacques 3:18 ပူးပေါင်းရင်းမြစ်များ

Abia (Psaumes) 92:14

Lo yeke tongana keke so a lu na ya ti gbagba ti kota da ti KOTA GBIA, lo yeke kono gi na ya ti gbagba ti Nzapa ti e.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 11:28

Zo so azia be ti lo na ndö ti amosoro ti lo, fade lo yeke ti; me azo ti mbirimbiri ayeke mai tongana keke so akugbe ni angba fini ni.

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Amos 6:12

Laoko ambarata akpe loro na ndö ti akota têne? Laoko zo afâ yaka na abagara na ndö ti akota têne? Me ti ala, ala sara si sarango ye na lege ti ndia aga sioni yoro; ala sara si fango ngbanga ti mbirimbiri aga sioni yoro ti fango zo.

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Ahebro 12:11

Tongana a pika zo ti kiri na lo na nzoni lege, be ti lo ayeke nzere na ndembe ni pepe; na le ti zo ni ye ni akpa ye ti vundu. Me mbeni lâ, tongana li ti lo aga daa awe, lo yeke wara aye ti peko ni: siriri na sarango ye ti mbirimbiri.

Jacques 1:20

Biani, zo so asara ngonzo ayeke sara ye ti mbirimbiri na le ti Nzapa pepe.