Jacques 3:15 - Mbeti ti Nzapa - Tënë so amu fini

¹⁵ Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.

Jacques 3:15 ပူးပေါင်းရင်းမြစ်များ

2 Samuel 13:3

Mbeni mba ti Amnon ayeke daa; iri ti lo Yonadab. Lo yeke molenge ti Shama; Shama ni ayeke ita ti David. Yonadab ayeke mbeni zo so ayeke sara ye na lege ti ndara mingi.

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 16:23

Na ngoi ni so, wango so Ahitofel amu na azo, ala yeke ma ni tongana tënë ti Nzapa. Tongaso laa, ataa David, ataa Absalom, ala yeke sara ye alingbi gi na awango ti lo kue.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 11:3

Me ala dabe ti ala na ye so: ngbo ahanda ando Eve na lege ti mayere ti lo si Eve agirisa lege. Mbeto asara mbi titene be ti ala ague kirikiri si ala zia peko ti Christ so ala mu lani tere ti ala kue na lo na vurungo be so.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

2 Tesalonike 2:9

Na gango ti Zo ti sioni so, fade Satan ayeke sara aye ti ngangu nde nde: Zo ti sioni ayeke sara akota ye, aye ti kpene na aye ti dongo be ti handa na azo.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

Jude 1:19

Azo so laa ayeke ga na kangbi na popo ti ala. Atënë ti be ti ala ayeke ti senge zo ti sese, me ala yeke na Yingo ti Nzapa pepe.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Aye so Nzapa afa 2:24

“Me ti ala azo ti Tiatire, ambeni zo na popo ti ala ake ti mu peko ti asioni tënë so azo ni ayeke fa. Ala so ake ti zia be ti ala na ndö ti atënë so azo ni airi ni ‘atënë ti Satan so angba na hondengo ni’, mbi tene na ala: mbi ye ti zia na ndö ti ala mbeni nengo kungba nde pepe.

Aye so Nzapa afa 9:11

Gbia ti agbadola ni ayeke ange ti ya ti kota du so alinda mingi. Iri ti lo na yanga ti hebro ayeke “Abadon”; iri ti lo na yanga ti greke ayeke “Apolion”, nda ti iri so atene “zo ti bubango ye”.