Jacques 2:9 - Mbeti ti Nzapa - Tënë so amu fini

⁹ Me tongana ala ne ambeni zo ahon ambeni, andaa ala sara siokpari awe. Ndia apika kate ti ala, ngbanga ti so ala sara ye so ndia ake ni.

Jacques 2:9 ပူးပေါင်းရင်းမြစ်များ

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Jean 16:8

Tongana lo ga, fade lo yeke fa na azo ti dunia so atene, ala yeke handa tere ti ala na ndö ti tënë ti siokpari, na ndö ti tënë ti ye ti mbirimbiri nga na ndö ti tënë ti fango ngbanga ti Nzapa.

Jean 8:46

Zo wa na popo ti ala alingbi ti fa siokpari so mbi sara? Tongana tënë ti mbi ayeke taa-tënë, ngbanga ti nyen si ala ma na be na mbi pepe?

Jean 8:9

So azo ni ama tënë so, ala londo oko na oko ti gue; azo so ahon kozoni ayeke ambakoro. Jésus angba gi lo oko, wali ni angba ti luti na dawa ti lo.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

1 Korente 14:24

Me tongana ala kue ayeke tene peko ti tënë ti yanga ti Nzapa si mbeni senge zo wala zo so ama na be pepe ali na popo ti ala, fade atënë so kue lo ma so ayeke fâ ngbanga na li ti lo si ayeke sara titene lo hinga sioni ti lo;

Galasii 2:19

Ti mbi, mbi kui kuâ ti Ndia lani awe si mbi sigigi na gbe ti Ndia ni titene fini so mbi yeke na ni ayeke ndali ti Nzapa; so ti tene, na ndembe so Christ akui na ndö ti keke ti kroa, mbi na lo laa e kui.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”

1 Jean 3:4

Zo so kue ayeke sara siokpari, lo ke ndia ti Nzapa awe, ngbanga ti so sarango siokpari ayeke kengo ndia.

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”