Jacques 2:5 - Mbeti ti Nzapa - Tënë so amu fini

⁵ A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Jacques 2:5 ပူးပေါင်းရင်းမြစ်များ

1 Agbia 22:28

Mishe akiri tënë na lo, atene: “Tongana mo kiri na nzoni tere biani, andaa KOTA GBIA atene tënë na lege ti mbi pepe.” Lo kiri lo tene: “Ala amara kue, ala ma!”

Mbeti ti Job 34:10

Ala azo so ahinga ndo so, ala ma mbi si! Nzapa alingbi ti sara sioni ye? Lo so ngangu ti lo ahon angangu kue so, lo lingbi ti sara sioni? Oko pepe!

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Mbeti ti Job 38:14

So ndo ahan, aye ato nda ti sigigi polele; ala sigigi tongana anzoroko so a kpo na tere ti ta ti sese, ala sigigi pendere tongana bongo ti matanga.

Sigingo 20:6

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Amato 13:7

Ambeni zo asara tere ti ala tongana azo ti mosoro, andaa ala yeke na ye oko pepe. Ambeni zo asara tere ti ala tongana awayere, me ala yeke na ye mingi.

Amato 7:24

Fadeso amolenge ti mbi, ala ma mbi si; ala dingi mê ti ala ama tënë ti mbi!

Amato 8:32

“Fadeso amolenge ti mbi, ala ma mbi si! Ti ala nzoni, azo so ayeke sara ye alingbi na atënë ti mbi!

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 29:19

Azo so ayeke sara tere ti ala kete ayeke wara ngia so ayeke gue guengo na nduzu ndali ti *KOTA GBIA; azo so yere ti ala ahon ndoni ayeke dodo na ngia ndali ti Nzapa ti Israel so ayeke nde si ayeke nzoni kue.

Sofonii 3:12

Fade mbi yeke zia asenge zo na azo ti mawa angba na popo ti ala. Ala yeke kpe na mbi *KOTA GBIA titene mbi bata ala.

Zakarii 11:11

Ya ti mbuki ni abuba gi na lango ni so. Azo ti kango ataba ni so ayeke baa mbi gi kpoo ahinga atene, so ayeke fade tënë ti KOTA GBIA laa.

Zakarii 11:7

Tongaso mbi ga wabatango-taba ti ataba so azo ti kango ala asoro ala ti gue na ala na ndo ti fango ala. Mbi mu anduru keke use ti awabatango-taba. Mbi di iri ti mbeni keke ni “Nzoni be”, mbi di iri ti mbeni “Beoko”. Na pekoni, mbi gue ti bata ataba ni.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Marc 7:14

Na pekoni, Jésus airi gba ti azo ni si lo tene na ala: “Ala ma mbi nzoni si ala ma ya ti tënë so nzoni:

Nzoni Tënë so Luc asu na mbeti 12:21

Jésus akiri atene: “Baa, ye so ayeke si ande na zo so ayeke bongbi amosoro gi ndali ti lo wani si lo bongbi aye ndali ti Nzapa pepe so laa!”

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Nzoni Tënë so Luc asu na mbeti 16:22

Mbeni lâ, zo ti mawa so akui si *a-ange ayo lo, ague na lo na tere ti Abraham. Zo ti mosoro ni akui nga si a lu lo.

Nzoni Tënë so Luc asu na mbeti 16:25

Abraham atene na lo: ‘Molenge ti mbi, ayeke nzoni mo dabe ti mo so ando na ndö ti sese, mo baa nzoni si Lazare abaa ti lo sioni. Fadeso be ti lo ade awe, me ti mo, mo yeke baa pasi.

Nzoni Tënë so Luc asu na mbeti 22:29

Tongana ti so Babâ amu na mbi *Kodro-gbia, mbi nga, mbi yeke mu kodro-gbia na ala:

Nzoni Tënë so Luc asu na mbeti 6:20

Jésus abaa ndo na mbage ti adisiple ti lo si lo tene: “Ti ala nzoni, ala so ayeke awayere, ngbanga ti so *Kodro-gbia ti Nzapa ayeke ti ala!

Jean 7:48

Mbeni makonzi ti e wala mbeni farizien oko so ama na be na lo ayeke daa?

Awatokua 7:2

Étienne akiri tënë: “Ababâ, a-ita, ala ma mbi! Kozo titene kotara ti e Abraham ague ti duti na kodro ti Haran, Nzapa ti gonda asi na lo na Mezopotamii

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Tesalonike 2:12

E mu na ala wango, e sara titene be ti ala akpengba, e hunda na ala mingi titene lege ti dutingo ti ala alingbi na ti so be ti Nzapa aye, lo so lo iri ala ti li na ya ti Kodro-gbia ti lo nga na ya ti gonda ti lo.

2 Tesalonike 1:5

Ye so kue afa atene, fango ngbanga ti Nzapa ayeke mbirimbiri. Biani, ye ni ayeke sara titene ala lingbi na *Kodro-gbia ti Nzapa so ala yeke baa pasi ndali ni.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 1:16

A-ita ti mbi so mbi ye ala mingi, ala handa tere ti ala pepe.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 1:9

Alingbi ita so ayeke wayere agonda tere ti lo, ngbanga ti so Nzapa azia lo na kota ndo.

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

Aye so Nzapa afa 2:9

Mbi hinga so mo yeke na ya ti ye ti ngangu, mo yeke wayere – andaa mo yeke zo ti mosoro! – Ambeni zo atene, ani yeke azuife, andaa ala yeke taa azuife pepe. Ala yeke bongbi ti azo so ayeke sambela Satan. Mbi hinga atënë ti mvene so azo ni ayeke du na li ti mo.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.

Awafango-ngbanga 9:7

Azo ague, atene tënë ni na Yotam. Tongaso lo gue, lo luti na li ti hoto ti Garizim; lo dekongo, lo tene: “Ala akota zo ti Sishem, ala ma mbi si fade Nzapa ama ala!

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.