Jacques 2:25 - Mbeti ti Nzapa - Tënë so amu fini

²⁵ Tënë so ayeke nga tongana ti Rahab, wali-ndumba so. Lo ga ando mbirimbiri na le ti Nzapa na lege ti kua so lo sara: azuife so a tokua ala, ague, asi na ndo ti lo si lo yamba ala. Na pekoni, lo mu maboko na ala ti mu mbeni lege nde ti hon.

Jacques 2:25 ပူးပေါင်းရင်းမြစ်များ

Matthieu 1:5

Salman adu Booz – mama ti Booz ayeke Rahab; Booz adu Obed – mama ti Obed ayeke Ruth;

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Awatokua 17:7

Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.”

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”

Jacques 2:22

Mo baa, mabe ti lo na sarango ye ti lo ayeke sara gi kua oko! Ye so lo sara laa asara si mabe ti lo aga nzoni kue.

Jacques 2:24

Ala baa, zo ayeke ga mbirimbiri na le ti Nzapa na lege ti sarango akua, me gi na lege ti mabe oko pepe.

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 2:15

Rahab asara da ti lo ali ya ti ngangu gbagba ti gbata ni. Tongaso lo mu kamba, lo zu ala na ni na gbeni na le ti fenetere ti da ni na peko ti gbagba ni.

Josué 2:16

Lo tene na ala: “Ala gue, ahonde tere ti ala na ndö ti ahoto titene azo so ayeke tumba peko ti ala so awara ala pepe. Ala ngba kâ na ya ti lango ota, ngbii azo ni akiri si. Na pekoni, fade ala mu lege ahon.”

Josué 2:4

Me wali ni amu azo use so, lo gue, lo honde ala. Na pekoni, lo tene: “Biani, azo so aga na ndo ti mbi; me mbi hinga ndo so ala londo daa si ala ga so pepe.

Josué 2:6

Andaa lo mu fade azo ni, lo gue na ala na li ti da ti lo, na ndo so a leke si azo ayeke duti daa so; lo honde ala na popo ti akeke ti *len so lo leke ni kâ.

Josué 6:17

Gbata ni na aye so kue ayeke na ya ni, fade a yeke zia ni titene a buba ni, ngbanga ti so gbata ni ayeke ti KOTA GBIA. Gi Rahab, wali-ndumba so, lo na azo so kue ayeke na lo na ya ti da ti lo laa ayeke ngba na fini, ngbanga ti so lo honde azo ti *bembengo ndo so lani e tokua ala so.