Jacques 2:20 - Mbeti ti Nzapa - Tënë so amu fini

²⁰ Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?

Jacques 2:20 ပူးပေါင်းရင်းမြစ်များ

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Rome 3:28

Biani, e lingbi ti tene tongaso: zo ayeke ga mbirimbiri na le ti Nzapa na lege ti mabe, me ndali ti sarango ye ti lo na lege ti Ndia pepe.

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

1 Timothée 1:6

Ambeni zo azia nzoni lege so awe, ala girisa lege na dikongo abuba tënë.

Tite 1:10

Biani, ambeni zo mingi ayeke daa so li ti ala akpengba, ala yeke diko abuba tënë si ala yeke handa azo; mingi ti ala ayeke azuife so aga azo ti Christ.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Jacques 2:17

Tënë ti mabe ayeke nga gi tongaso. Tongana zo ayeke na mabe, me lo sara kua ni pepe, andaa mabe ti lo ni akui awe.

Jacques 2:26

Tongana zo ayeke wu pepe, andaa lo kui awe. Legeoko nga, zo so ayeke na mabe, me lo yeke sara kua ni pepe, andaa mabe ti lo akui awe.