Jacques 2:19 - Mbeti ti Nzapa - Tënë so amu fini

¹⁹ Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.

Jacques 2:19 ပူးပေါင်းရင်းမြစ်များ

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 45:6

Tongaso, ti londo na To asi na Do, azo ayeke hinga atene, mbeni nzapa nde ayeke daa pepe, gi mbi oko. Mbi laa mbi yeke KOTA GBIA, mbeni nde ayeke daa pepe.

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Jonas 4:4

KOTA GBIA ahunda Jonas, atene: “So mo yeke sara ngonzo so, ayeke na legeni laa?”

Jonas 4:9

Nzapa atene na Jonas: “So mo yeke sara ngonzo ndali ti keke so, ayeke na legeni laa?” Jonas akiri tënë: “Een, ayeke na legeni so mbi sara ngonzo ngbii si mbi ye ti kui so.”

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 12:29

Jésus akiri tënë na lo: “Ndia so ayeke kota ayeke so: ‘Ala azo ti Israel, ala ma! *Kota Gbia Nzapa ti e, ayeke gi lo oko Kota Gbia.

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”

Marc 7:9

Lo kiri lo tene na ala: “Ala ke biani ti sara ye so Nzapa ahunda na ala si ala yeke bata gi andia ti akotara ti ala!

Nzoni Tënë so Luc asu na mbeti 4:34

“Ti mo na e nyen, Jésus, zo ti Nazaret? Mo ga ti fâ e laa! Mbi hinga mo: mo yeke zo ti nzoni kue so Nzapa azia mo nde si lo tokua mo.”

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Awatokua 16:17

Lo mu peko ti e na Paul si lo yeke dekongo, atene: “Azo so ayeke azo ti kua ti Nzapa, lo so lo yeke na yayu kâ na ndö ti aye kue! Ala yeke fa na ala azo, lege titene ala soo kuâ!”

Awatokua 19:15

Me mbeni lâ, sioni yingo ni atene na ala: “Mbi hinga Jésus, mbi hinga tënë ti Paul; me ala yeke ti ala azo wa?”

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Rome 3:30

ngbanga ti so Nzapa ayeke gi oko. Lo yeke sara titene azuife na azo ti amara nde kue aga mbirimbiri na le ti lo na lege ti mabe.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Galasii 3:20

Tongana zo ayeke gi lo oko, lege titene mbeni zo aduti walekengo-songo ayeke daa pepe. Andaa Nzapa ayeke gi oko.

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.

1 Timothée 2:5

Biani, Nzapa ayeke gi oko; walekengo-songo na popo ti azo na Nzapa ayeke gi oko: Jésus Christ,

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.