Jacques 2:16 - Mbeti ti Nzapa - Tënë so amu fini

¹⁶ si mbeni zo oko na popo ti ala atene na ita ni: “Gue nzoni! Mo duti na tere ti wâ, mo te kobe, ya ti mo asi!” Me, ye so lo lingbi fade ti wara ndali ti fini ti lo, ala mu ni na lo pepe, asenge senge tënë ti ala so asara nyen?

Jacques 2:16 ပူးပေါင်းရင်းမြစ်များ

Matthieu 15:32

Jésus airi adisiple ti lo si lo tene na ala: “Mawa ti gba ti azo so agbu mbi, ngbanga ti so na ya ti alango ota so ala yeke na tere ti mbi, ala yeke na ye ti tengo ni pepe. Mbi ye ti zia ala titene ala gue na nzara na ya ti ala pepe, ngbanga ti ala woko na nzara na lege.”

Matthieu 25:35

Biani, nzara asara mbi, ala mu na mbi kobe ti te; nzara ti ngu asara mbi, ala mu na mbi ngu ti nyon; mbi yeke wande, ala yamba mbi na ndo ti ala;

Matthieu 25:36

tere ti mbi ayeke senge, ala yu bongo na mbi; tere ti mbi aso, ala ga abaa mbi; mbi yeke na da ti kanga, ala ga abaa mbi.’

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.