Jacques 2:14 - Mbeti ti Nzapa - Tënë so amu fini

¹⁴ A-ita ti mbi, tongana mbeni zo atene, ni yeke na mabe si lo sara mbeni ye ti fa ni pepe, mabe ti lo ni ayeke sara nyen na lo? Mabe so alingbi ti soo lo?

Jacques 2:14 ပူးပေါင်းရင်းမြစ်များ

Jérémie 7:8

“Me ala ngba ti zia be ti ala gi na ndö ti atënë ti handa so ayeke sara nzoni oko na zo pepe.

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Nzoni Tënë so Luc asu na mbeti 6:49

Me zo so ama atënë ti mbi si lo sara ye alingbi na ni pepe, lo yeke tongana zo so asara da na ndö ti senge sese, gere ti da ni ayeke daa pepe. Ngu asua ngangu, apika tere ti da ni si gi hio tongaso, da ni akungbi, ati si abuba kue.”

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Awatokua 8:13

Simon nga ama na be si lo wara bateme; lo ngba lakue na tere ti Philippe. Lo nga, be ti lo ado na bango aye ti kpene na aye ti dongo be so Philippe ayeke sara so.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

Rome 2:25

Taa-tënë, tongana mo fâ *ganza si mo yeke sara ye alingbi na Ndia, fango ganza ni ayeke sara nzoni na mo; me tongana mo fâ ganza si mo sara ye alingbi na Ndia pepe, mo yeke tongana zo so afâ ganza pepe.

1 Korente 15:2

Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 11:17

Na lege ti mabe, Abraham amu Isaac na *sandaga na Nzapa na ndembe so Nzapa atara be ti lo. Lo mu oko molenge ti lo na sandaga na Nzapa, ataa so Nzapa amu zendo na lo,

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Jacques 1:16

A-ita ti mbi so mbi ye ala mingi, ala handa tere ti ala pepe.

Jacques 2:16

si mbeni zo oko na popo ti ala atene na ita ni: “Gue nzoni! Mo duti na tere ti wâ, mo te kobe, ya ti mo asi!” Me, ye so lo lingbi fade ti wara ndali ti fini ti lo, ala mu ni na lo pepe, asenge senge tënë ti ala so asara nyen?

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”

Jacques 2:26

Tongana zo ayeke wu pepe, andaa lo kui awe. Legeoko nga, zo so ayeke na mabe, me lo yeke sara kua ni pepe, andaa mabe ti lo akui awe.

2 Pierre 1:5

Ndani laa, ala sara kue titene ala zia na ndö ti mabe ti ala, sarango nzoni ye; na ndö ti sarango nzoni ye, ala zia hingango ndo;