Habakuk 3:8 - Mbeti ti Nzapa - Tënë so amu fini

⁸ KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Habakuk 3:8 ပူးပေါင်းရင်းမြစ်များ

Abia (Psaumes) 104:3

mo zia ada ti mo na ndö ti ayayu ni. Mo sara si ambinda aga pusu ti mbarata ti mo; mo yeke tambula na ndö ti pupu.

Abia (Psaumes) 114:3

Kota ngu-ingo abaa ye ni si akpe; ngu ti Jourdain akiri na peko.

Abia (Psaumes) 114:5

Kota ngu-ingo, nyen laa asara mo si mo kpe so? Ngu ti Jourdain, nyen laa asara mo si mo kiri na peko so?

Abia (Psaumes) 18:10

Lo dingi le ti nduzu si lo zu na sese, vukongo mbinda ayeke na gbe ti gere ti lo.

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Abia (Psaumes) 68:4

Me azo ti mbirimbiri ayeke sara ngia, ala yeke dodo na ngia na le ti Nzapa, ngia ti ala ni ahon ndoni.

Abia (Psaumes) 77:16

Na lege ti ngangu ti mo, mo zi azo ti mo, *ahale ti Jacob na ti Joseph. Luti kete

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 7:19

KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Sigingo 7:20

Moïse na Aaron asara tongana ti so KOTA GBIA amu yanga na ala. Aaron ayoro keke ti lo na nduzu si na le ti Faraon na azo ti gbe ti lo, lo pika ngu ti Nil si ngu ni kue aga mene.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Habakuk 3:15

Mo hon na ambarata ti mo na ya ti kota ngu-ingo, na popo ti angangu mapo.

Marc 4:39

Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

Aye so Nzapa afa 19:14

Aturugu ti yayu amu peko ti lo, ala kue ayeke na ndö ti avuru mbarata si ala yu pendere vuru bongo so a sara na *len si ayeke *nzoni.

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.