Habakuk 3:7 - Mbeti ti Nzapa - Tënë so amu fini

⁷ Mbi baa azo ti Kushan, tere ti ala ado na ya ti ada ti ala ti bongo; mbi baa azo ti Madian, ala sara mbeto na ya ti ada ti ala so ala sara na bongo.

Habakuk 3:7 ပူးပေါင်းရင်းမြစ်များ

Sigingo 2:15

Gbia Faraon ama tënë ni si lo yeke gi lege ti fâ Moïse. Me Moïse alondo na ndo ti Faraon, lo kpe, lo gue, lo duti na sese ti Madian. Kâ, lo duti na tere ti mbeni du ti ngu.

Jérémie 49:29

Ayeke nzoni ala gbu ada ti bongo na abagara ti azo ni, abongo ti ala ti sarango na da nga na akungba ti ala ahon na ni. Ala mu nga *azambala ti azo ni ahon na ni; ala dekongo na li ti ala, atene: ‘Mbeto ayeke mbage na mbage kue!’

Josué 2:10

Biani, e ma a tene, *KOTA GBIA asara si kota ngu-ingo ti Asosongo ahole na dawa ti ala na ndembe so ala londo na Ezipte ti sigigi. E ma nga tënë ti agbia use ti mara ti Amori, Sihon na Og, so ala fâ ala na mbage ti ngu ti Jourdain. Ala azo ti Israel, ala fâ azo ni si ala buba aye ti azo ni so kue.

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.

Awafango-ngbanga 8:12

Zeba na Salmuna akpe. Gédéon atumba peko ti agbia use so ngbii lo gbu ala; lo bi tomboka na li ti aturugu ni si ala kpe kirikiri.