Habakuk 3:5 - Mbeti ti Nzapa - Tënë so amu fini

⁵ Kobela ti bubango kodro ayeke tambula na dawa ti lo, kobela ti wâ ti tere ayeke tambula na peko ti lo.

Habakuk 3:5 ပူးပေါင်းရင်းမြစ်များ

Abia (Psaumes) 97:3

Mbeni wâ ayeke tambula na dawa ti lo, wâ ni ayeke gbi awato ti lo mbage na mbage kue.

Awayango-sandaga 26:25

Ndali ti mbuki ti mbi so ala buba ni, fade mbi yeke tokua bira na tere ti ala, ala yeke honde tere ti ala na ya ti agbata ti ala, me mbi yeke tokua sioni kobela ti bubango kodro na tere ti ala si mbi yeke zia ala na maboko ti awato ti ala.

Wungo ti azo 11:1

Mbeni lâ, azo ti Israel adema tere ti ala mingi na *KOTA GBIA; so KOTA GBIA ama tënë ni, lo sara ngonzo mingi, lo tokua mbeni wâ na popo ti ala si wâ ni agbi mbeni mbage ti yanga ti bâbâ ni.

Wungo ti azo 14:12

Fade mbi yeke pika ala na kobela ti bubango kodro, mbi yeke gbanzi ala na ye so ayeke ga ti ala. Ti mo Moïse, fade mbi yeke sara titene mo ga mbeni kota mara nga na mara so ayeke ngangu ahon ala.”

Ndia ti fani use ni 32:24

Tongana ala woko kue na nzara awe, tongana kobela ti wâ ahon ndö ti ala si akobela ti bubango kodro ahon ndö ti ala awe, mbi yeke tokua asioni nyama nga na asioni ngbo na tere ti ala.