Habakuk 2:8 - Mbeti ti Nzapa - Tënë so amu fini

⁸ So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Habakuk 2:8 ပူးပေါင်းရင်းမြစ်များ

Abia (Psaumes) 137:8

Mo gbata ti Babilone, so mo yeke ku titene a hunzi mo biani biani so! Ti lo nzoni, zo so ayeke sara na mo alingbi na ye so mo sara na e!

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 33:4

Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 30:16

Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 50:14

Ala so kue ayeke pika kokora, ala leke tere ti ala angoro Babilone kue ti tiri bira na lo. Ala pika lo na kokora, ala bata ale ti kokora oko pepe! Biani, Babilone asara sioni ti ke KOTA GBIA.

Jérémie 50:28

Ala ma si! Azo so akpe, ala so angba na fini na kodro ti Babilone, ala laa ayeke ga na asango na *Sion, atene: “KOTA GBIA Nzapa ti e akiri na azo ti Babilone peko ti sioni ti ala awe; lo kiri na ala peko ti sioni so ala sara na kota da ti lo.”

Jérémie 50:37

Bira aga na tere ti ambarata na apusu ti mbarata ti lo! Bira aga na tere ti amara nde nde so ayeke tiri bira ndali ti lo! Ayeke nzoni ala ga tongana awali! Bira aga na tere ti amosoro ti lo! Ayeke nzoni a nzi amosoro ni kue!

Jérémie 51:13

Babilone, mo so mo yeke lango na tere ti kota *bale so, mo so gba ti amosoro asi singo na mo so, ti mo ahunzi awe. Mo nzi amba ti mo alingbi awe.

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Jérémie 51:48

Fade azo ti bubango kodro ti Babilone ayeke londo na mbage ti Banga ti ga. Tongaso yayu na sese ayeke he bia ti songo benda na ndö ti Babilone.” So tënë ti yanga ti KOTA GBIA laa.

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Ezekiel 28:16

Dengo buze ti mo so ague na nduzu apusu mo ti sara ngangu na azo, mo sara siokpari. Nilaa mbi tumba mo na ndö ti hoto ti mbi si mbi zia mo na popo ti asenge zo. Mo sheruben so mo yeke bata zo, mbi yeke tumba mo titene mo londo na popo ti atêne so ale ti wâ ayeke sigigi daa.

Ezekiel 39:10

Azo ayeke kiri ti gue ti ro akeke ti wâ na yaka pepe, wala ala yeke kiri ti fâ akeke na ya ti gbako pepe. Biani, ala yeke sara wâ gi na aye ti bira so. Ala yeke nzi ye ti azo so lani anzi ala, ala yeke gbu aye ti azo so lani agbu aye ti ala. So tënë ti yanga ti Kota Gbia NZAPA laa.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Habakuk 2:10

Na sarango ye tongaso, mo yeke zia kamene na le ti asewa ti mo, mo yeke buba fini ti gba ti amara, mo yeke buba nga fini ti mo wani.

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Zakarii 14:12

Amara so atiri lani bira na azo ti Jérusalem so, baa, aye ti sioni so KOTA GBIA ayeke sara titene ati na ndö ti ala laa: so ala ngba na le ti ala gi tongaso, fade kasa ti tere ti ala ayeke fun gi fungo, le ti ala ayeke fun na ya ti da ni, menga ti ala ayeke fun na ya ti yanga ti ala.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”