Habakuk 2:6 - Mbeti ti Nzapa - Tënë so amu fini

⁶ Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Habakuk 2:6 ပူးပေါင်းရင်းမြစ်များ

Abia (Psaumes) 94:3

KOTA GBIA, azo ti sioni so, ala yeke ngba ti dodo na ngia ngbii asi lawa? Ala yeke ngba ngbii asi lawa?

Amato 22:16

Zo so asara ngangu na wayere, lo sara si wayere ni aga kota zo. Zo so amu ye na zo ti mosoro, fade ye atia lo.

Ésaïe 10:13

Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Ésaïe 5:8

Mawa na ala, azo so amu mbeni da ti tengbi na da ti ala, ala mu mbeni yaka ti tengbi na yaka ti ala! Ala sara tongaso ngbii, ala mu sese ni kue si ala duti gi ala oko na ya ti kodro ni.

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Jérémie 29:22

Azo ti Juda so kue a gbu ala si a gue na ala na Babilone, fade ala yeke mu iri ti akoli use ti deba na amba ti ala. Biani, fade azo ti Juda ni ayeke tene: Ayeke nzoni KOTA GBIA asara na mo gi mara ti ye so lo sara na Sidekia nga na Ahab so gbia ti Babilone azö ala na le ti wâ so!’

Jérémie 50:13

Ndali ti ngonzo ti KOTA GBIA, fade kodro ni kue ayeke ga ngonda, zo ayeke kiri ti lango daa pepe. Azo so kue ayeke hon na tere ni, li ti ala kue ayeke kpe. Ala yeke huru yanga ti ala na bango aye so kue abuba na ya ni.

Ezekiel 32:21

Na ndo ti akuâ, amakonzi ti angangu zo ti bira nga na azo ti mungo maboko na Ezipte ayeke dekongo, atene: ‘Ala zu awe, ala lango na popo ti e, ala so afâ ganza pepe si ala kui na ya ti bira so!’

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Habakuk 1:15

Azo ti Babilone agbu azo tongana ti so a yeke gbu susu na yango, tongana ti so a yeke gboto susu na ya ti gbanda, tongana ti so a yeke gbu susu na ngbengbe. Na pekoni, azo ni ayeke na ngia, ala yeke dodo na ngia.

Habakuk 2:12

“Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.

Wungo ti azo 23:18

Tongaso Balaam adiko bia so, lo tene: “Balak, londo, mo ma mbi si! Molenge ti Sipor, dingi mê ti mo, mo ma mbi!

Wungo ti azo 23:7

Tongaso Balaam adiko bia so, lo tene: “Balak asara si mbi londo na Aram mbi ga; gbia ti Moab asara si mbi londo na ahoto ti To mbi ga. ‘Ga mo deba Jacob na mbi! Ga mo tene sioni tënë na ndö ti azo ti Israel!’

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.