Habakuk 2:2 - Mbeti ti Nzapa - Tënë so amu fini

² *KOTA GBIA akiri tënë na mbi, atene: “Ye so mo baa na ya ti mbeni ye tongana bango-li so, mo su ni na mbeti, mo kpaka gere ti mbeti ni nzoni na le ti atêne si azo adiko ni nzoni.

Habakuk 2:2 ပူးပေါင်းရင်းမြစ်များ

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 8:1

*KOTA GBIA atene na mbi: “Mo mu kota le ti têne, mo de mbeti na ndö ni kota kota: ‘Maher-Shalal-Hash-Baz’, (so ti tene: ‘Hio-mo-nzi-ye-na-peko-ti-bira-Ti-na-ndö-ti-ye-mo-nzi-ni’)”

Jérémie 30:2

“Tënë so KOTA GBIA, Nzapa ti Israel atene ayeke so. Atënë so kue mbi tene na mo so, mo su ni na mbeti.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Daniel 7:1

Na ya ti kozo ngu so Baltazar ayeke gbia ti Babilone, Daniel abaa li ti lo na ndembe so lo ngba ti lango na ndö ti gbogbo ti lo. Na ya ti bango-li ni, aye aga na li ti lo si lo baa ni na ya ti mbeni ye tongana bango-li. Na pekoni lo su ni na mbeti si lo fa gi amama ti tënë ni.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

1 Korente 14:19

Me tongana mbi yeke na ya ti Eglize, mbi ye ti tene atënë oku so azo alingbi ti ma ya ni ahon titene mbi tene atënë saki baleoko na ambeni yanga nde. Tongaso mbi yeke fa nga ye na atanga ti azo.

2 Korente 3:12

So e zia be ti e kue ti ku nzoni ye tongaso, mbeto ti ye oko asara e pepe.

Ndia ti fani use ni 27:8

Ala yeke su atënë ti ndia so kue na ndö ti atêne ni; ala yeke de ni pendere titene gere ti ambeti ni asigigi polele.”

Ndia ti fani use ni 31:19

Fadeso, Moïse mo na Josué, ala su bia so na mbeti. Ti mo Moïse, mo fa bia ni na azo ti Israel; mo sara kue titene ala manda ni, bia ni angba na yanga ti ala si aga bia so ayeke fa asioni ti ala na le ti ala.

Ndia ti fani use ni 31:22

Na lango ni so, Moïse asu bia ni so na mbeti si lo fa ni na azo ti Israel.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”

Aye so Nzapa afa 19:9

*Ange ni atene na mbi: “Su tënë so na mbeti: ‘Ti ala nzoni, azo so a tisa ala ti gue na matanga ti mungo wali ti Molenge ti Taba!’ ” Ange ni akiri atene: “So taa atënë so alondo na Nzapa.”