Habakuk 2:18 - Mbeti ti Nzapa - Tënë so amu fini

¹⁸ Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Habakuk 2:18 ပူးပေါင်းရင်းမြစ်များ

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 40:19

Yanda? Wakode-kua laa akporo wen si asara na ni; zo ti sarango ye na kode azia lôro na tere ni, lo zia na go ti lo aye ti go so a sara na wen ti nginza.

Ésaïe 41:26

Zo wa laa afa tënë ni na tongo nda ni titene e hinga ni, zo wa? Zo wa laa afa tënë ni giriri si e tene: ‘Tënë ni ayeke taa-tënë’? Zo oko afa tënë ni pepe, zo oko azi yanga pepe, zo oko ama nga tënë ti ala pepe.

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Ésaïe 44:12

Zo ti pikango ndao ayeke za yanga ti do, lo sara kua ni na le ti wâ so ate mingi, lo mu martoo si lo leke na tere ti wen ni, lo pika ni ngangu. Me tongana nzara asara lo, ngangu ahunzi na lo. Tongana lo nyon ngu pepe, baa lo woko awe.

Ésaïe 45:16

Azo so ayeke leke ayanda, kamene ahon ndö ti ala, kamene agbu le ti ala. Ala ba li ti ala na sese na kamene si ala yeke hon.

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 51:17

Azo kue ayeke azo so li ti ala ayeke daa pepe, ala hinga ndo pepe; awakode-kua kue ti lôro, kamene agbu le ti ala ndali ti ayanda ti ala, ayanda ti ala ni ayeke ye ti mvene, pupu ayeke na ya ti ala pepe.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

1 Korente 12:2

Na ndembe so ala de ando ti hinga Nzapa pepe, a gboto ala ti gue na peko ti anzapa nde so ayeke tene tënë laoko pepe.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Awafango-ngbanga 17:4

Me Mika akiri na nginza ni na mama ti lo; mama ti lo azi ale ti nginza ni ngbangbo use, lo mu na mbeni matawa. Matawa ni amu nginza ni, lo kporo ni si lo sara na mbeni yanda. A zia yanda ni na ya ti da ti Mika.

1 Samuel 12:21

Ala gue yongoro na lo pepe; tongaso pepe, fade ala yeke gue na peko ti anzapa so ayeke asenge ye, anzapa so alingbi nga ti zi ala na ya ti ye ti ngangu pepe, ngbanga ti so anzapa ni ayeke asenge ye.