Habakuk 2:12 - Mbeti ti Nzapa - Tënë so amu fini

¹² “Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!

Habakuk 2:12 ပူးပေါင်းရင်းမြစ်များ

1 Agbia 16:34

Na ngoi ni so laa Hiel, mbeni zo ti Betel, akiri aleke gbata ti Jéricho. Me na ndembe so Hiel ayeke zi du ti lu gere ti gbata ni, Abiram, kozo molenge ti lo ti koli akui. Na ndembe so lo yeke zia ayanga ti gbagba ti gbata ni daa, Segub, tanga ti molenge ti lo ti koli akui. Aye ni so asi alingbi na tënë ti KOTA GBIA so lo tene ando na lege ti Josué, molenge ti Nune.

Ezekiel 24:9

Ndani laa, tënë so mbi Kota Gbia NZAPA, mbi tene ayeke so: Mawa na gbata so azo ti ya ni atuku mene so! Fade mbi yeke leke ngbongboro keke ti wâ.

Mishe 3:10

Ala sara gbata ti *Sion na lege ti tukungo mene, ala sara gbata ti Jérusalem na lege ti fango azo.

Nahum 3:1

Mawa na mo, gbata ti tukungo mene! Tënë ti handango zo na tënë ti nzi laa asi singo kâ! Nzi angba ngbango na ya ti gbata ni!

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

2 Korente 1:21

Nzapa laa ayeke sara titene mbi na ala kue, e kpengba na lege ti gango so e ga oko na Christ. Lo laa lo zia e nde ndali ti lo;

Josué 6:26

Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.