Habakuk 1:4 - Mbeti ti Nzapa - Tënë so amu fini

⁴ Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

Habakuk 1:4 ပူးပေါင်းရင်းမြစ်များ

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Mbeti ti Job 21:7

Azo ti sioni angba ti duti na fini ngbanga ti nyen? Ala yeke ga mbakoro si komandema ti ala ayeke gue guengo na nduzu ngbanga ti nyen?

Abia (Psaumes) 11:3

So gigi ni kue abuba awe so, nyen laa zo ti mbirimbiri alingbi ti sara, nyen?

Abia (Psaumes) 119:126

KOTA GBIA, ngoi titene mo sara kua ti mo alingbi awe, ngbanga ti so azo ake ndia ti mo.

Abia (Psaumes) 22:12

Duti yongoro na mbi pepe, ngbanga ti so ye ti ngangu aga nduru ti si na mbi si zo ti mu maboko na mbi ayeke daa pepe.

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Abia (Psaumes) 59:2

Nzapa ti mbi, zi mbi na maboko ti awato ti mbi; bata mbi si azo so alondo ti tiri na mbi agbu mbi pepe.

Abia (Psaumes) 59:4

*KOTA GBIA, baa, ala honde tere ti ala ti fâ mbi; azo ti ngangu abongbi tere ti ala ti tiri na mbi, ataa so mbi sara sioni wala siokpari pepe.

Abia (Psaumes) 94:3

KOTA GBIA, azo ti sioni so, ala yeke ngba ti dodo na ngia ngbii asi lawa? Ala yeke ngba ngbii asi lawa?

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Ésaïe 5:20

Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Jérémie 12:6

“Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”

Ezekiel 9:9

KOTA GBIA akiri tënë na mbi, atene: “Sioni ti azo ti Israel na ti azo ti Juda ayeke kota ahon ndoni; mene asi singo na ya ti kodro ni, sarango ngangu na azo asi singo na ya ti gbata ni. Biani, azo ni ayeke tene: ‘KOTA GBIA ado kodro ni azia awe, lo lingbi ti baa e oko pepe.’

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Marc 7:9

Lo kiri lo tene na ala: “Ala ke biani ti sara ye so Nzapa ahunda na ala si ala yeke bata gi andia ti akotara ti ala!

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.