Habakuk 1:2 - Mbeti ti Nzapa - Tënë so amu fini

² *KOTA GBIA, mbi dekongo na mo ti mu maboko na mbi aninga awe; mo yeke ma mbi pepe ngbii asi lawa? Mbi dekongo na mo, mbi tene: “Sarango ngangu na azo ahon ndoni!”, me mo zi azo ni pepe.

Habakuk 1:2 ပူးပေါင်းရင်းမြစ်များ

Mbeti ti Job 19:7

Mbi dekongo ndali ti ye ti ngangu; zo oko akiri tënë pepe; mbi iri ndo gbaa, fango ngbanga ti mbirimbiri ayeke daa pepe.

Abia (Psaumes) 22:3

Nzapa ti mbi, na kota lâ, mbi iri mo, me mo kiri tënë pepe; na bi, mbi kiri mbi iri ndo gbaa, mbi wu tere ti mbi pepe.

Abia (Psaumes) 94:3

KOTA GBIA, azo ti sioni so, ala yeke ngba ti dodo na ngia ngbii asi lawa? Ala yeke ngba ngbii asi lawa?

Jérémie 14:9

Ngbanga ti nyen si mo yeke sara ye tongana koli pepe so? Ngbanga ti nyen si mo yeke sara ye tongana mbeni ngangu koli so alingbi fade ti soo azo, me lo soo ala pepe so? Andaa KOTA GBIA, mo yeke na popo ti e, a zia e nde ndali ti mo awe; mo zia e pepe!”

Abia ti demango tere 3:8

Mbi dekongo na lo ti mu maboko na mbi gbaa, mbi iri lo ti mu maboko na mbi gbaa, lo kanga lege si sambela ti mbi asi na lo pepe.

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”