Galasii 6:7 - Mbeti ti Nzapa - Tënë so amu fini

⁷ Ala handa tere ti ala pepe: zo ayeke he Nzapa pepe. Ye so zo alu, fade lo yeke ko lengo ni.

Galasii 6:7 ပူးပေါင်းရင်းမြစ်များ

Mbeti ti Job 15:31

Alingbi lo zia be ti lo na ndö ti handango ndo pepe. Tongana lo sara ni, andaa lo mu sioni lege, fade lo yeke wara futa ni.

Mbeti ti Job 4:8

Ti mbi, ye so mbi baa ayeke so: Azo so alu ye ti kirikiri na ala so alu pasi, ye ti kirikiri na pasi laa ala yeke ko lengo ni.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Jérémie 37:9

Tënë so KOTA GBIA atene ayeke so: Ala handa tere ti ala pepe, atene: azo ti Babilone alondo na kodro ti e ahon biani biani awe. Ên-en, ala yeke hon pepe!

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Osée 10:13

Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Abdias 1:3

Baba ti mo so mo yeke sara mingi so ahanda ala awe! Mo yeke lango na popo ti akota têne, mo sara ndo ti lango ti mo na ndo so ayeke na nduzu si mo yeke tene na be ti mo, mo tene: ‘Zo wa laa alingbi ti mu mbi ti bi mbi na sese, zo wa?’

Nzoni Tënë so Luc asu na mbeti 16:25

Abraham atene na lo: ‘Molenge ti mbi, ayeke nzoni mo dabe ti mo so ando na ndö ti sese, mo baa nzoni si Lazare abaa ti lo sioni. Fadeso be ti lo ade awe, me ti mo, mo yeke baa pasi.

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

2 Korente 9:6

Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

2 Tesalonike 2:3

Ala zia zo oko ahanda ala na mbeni tënë pepe. Biani, kozoni si lango so alingbi, fade ambeni ye ayeke si: gba ti azo ayeke zia lege ti Nzapa, Zo ti sioni ayeke si, lo so a yeke buba ande lo na ndo so wâ ayeke gbi daa lakue.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

1 Jean 1:8

Tongana e tene, e yeke na siokpari pepe, andaa e yeke handa tere ti e wani, taa-tënë ayeke na be ti e pepe.

1 Jean 3:7

Amolenge ti mbi, ala zia mbeni zo ahanda ala pepe! Zo so ayeke sara ye ti mbirimbiri, lo yeke zo ti mbirimbiri, tongana ti so Jésus ayeke mbirimbiri.

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”