Galasii 6:4 - Mbeti ti Nzapa - Tënë so amu fini

⁴ Ayeke nzoni zo oko oko agbu li ti lo na ndö ti sarango ye ti lo wani. Titene lo gonda tere ti lo ndali ti mbeni ye, ayeke nzoni lo wara ye ni na ya ti fini ti lo wani, me lo haka sarango ye ti lo na ti mbeni zo pepe.

Galasii 6:4 ပူးပေါင်းရင်းမြစ်များ

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Abia (Psaumes) 26:2

KOTA GBIA, gi ti hinga mbi nzoni, tara be ti mbi, gi ya ti nzara ti be ti mbi na atënë ti be ti mbi.

Amato 14:14

Zo so sarango ye ti lo ayeke kirikiri, fade lo yeke wara ye ti pekoni. Zo ti nzoni ayeke baa nzoni ahon lo.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

1 Korente 11:28

Ayeke nzoni zo oko oko abaa be ti lo nzoni kozoni si lo te mapa so si lo nyon kopo so,

1 Korente 3:14

Zo so asara da si da ni angba, fade lo yeke wara futa ti kua ti lo.

1 Korente 3:8

Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 13:5

Ala wani abaa be ti ala nzoni, ala gi ti hinga biani wala ala yeke duti na lege ti mabe. Ala hinga pepe atene, Jésus Christ ayeke na be ti ala? Tongana ye ni ayeke tongaso, ye so afa atene, ala yeke na mabe ayeke daa pepe.

Galasii 6:13

Ataa so azo ni afâ ganza, ala yeke sara ye alingbi na *Ndia pepe! Azo ni aye ti fâ ala na ganza ti wara lege ti gondango tere ndali ti ye so azo ni asara na tere ti ala, a-ita.

Filipe 1:26

Tongaso, na ngoi so mbi yeke kiri ande na tere ti ala, tere ti ala ayeke nzere mingi ndali ti mbi na lege ti gango so ala ga oko na Jésus Christ.