Galasii 6:2 - Mbeti ti Nzapa - Tënë so amu fini

² Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Galasii 6:2 ပူးပေါင်းရင်းမြစ်များ

1 Mbai 19:12

Yoab atene na ita ti lo: “Tongana azo ti Sirii ahon ndö ti mbi, fade mo yeke ga ti mu maboko na mbi. Me tongana azo ti Amon laa ahon ndö ti mo, fade mbi yeke mu maboko na mo.

Sigingo 23:5

Zo so be ti lo ake ala, tongana ala baa lele ti lo ati na gbe ti nengo kungba, ala zia lo pepe. Alingbi ala mu maboko na zo ni ti yo lele ni na nduzu.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Matthieu 8:17

Lo sara tongaso titene tënë so wayanga-Nzapa Ésaïe atene ando, aga taa-tënë; lo tene: “Lo mu pasi ti e, lo hon na ni, lo yo akobela ti e na ndö ti lo.”

Nzoni Tënë so Luc asu na mbeti 11:46

Jésus akiri tënë na lo: “Mawa na ala nga, ala awafango-ndia, ngbanga ti so ala yeke zia kungba na li ti azo! Kungba ni ane ahon ngangu ti azo ni, me ala awafango-ndia ni, ala yeke ndu kungba ni na li ti maboko ti ala oko pepe!

Jean 13:34

Mbi yeke mu na ala fini ndia: ala ye tere na popo ti ala! Alingbi ala ye tere na popo ti ala tongana ti so mbi ye ala.

Jean 15:12

Ndia ti mbi ayeke so: ala ye tere na popo ti ala, tongana ti so mbi ye ala.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 9:21

Tongana mbi yeke na popo ti azo so ayeke na gbe ti Ndia ti Moïse pepe, mbi yeke sara ye tongana zo so ayeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni pepe. Andaa mbi ke ndia ti Nzapa pepe, ngbanga ti so mbi yeke sara ye alingbi na ndia ti Christ.

Galasii 6:5

Biani, fade zo oko oko ayeke kiri tënë na ndö ti ye so lo wani, lo sara.

Ndia ti fani use ni 1:12

Mbi oko, mbi lingbi ti yo kungba ti lekengo atënë ti ala, akpale ti ala nga na apapa ti ala tongana nyen?

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.

Jacques 2:12

A-ita, ala tene tënë, ala sara nga ye tongana ti azo so ahinga atene, Nzapa ayeke fâ ande ngbanga ti ala na lege ti ndia so ayeke zi zo na gbe ti ngbaa.

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

2 Pierre 2:21

Ti azo ni so, ayeke fade nzoni titene ala hinga lege ti mbirimbiri pepe. Sioni ni ayeke so, ala hinga lege ni awe si na pekoni, ala do lege ti atënë ti ndia ti Nzapa so a fa na ala kozoni so azia.

2 Pierre 3:2

Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.