Galasii 6:1 - Mbeti ti Nzapa - Tënë so amu fini

¹ Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

Galasii 6:1 ပူးပေါင်းရင်းမြစ်များ

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 26:69

Pierre ayeke duti na gigi na ya ti gbagba ni. Mbeni wali so ayeke sara kua kâ aga nduru na tere ti lo si atene na lo: “Mo nga, mo yeke mu peko ti Jésus, zo ti Galile so!”

Matthieu 26:75

Pierre adabe ti lo na tënë so Jésus atene lani na lo, atene: “Kozo titene koli-kondo atoto, fade mo yeke bere tënë ti mbi fani ota.” Lo sigigi si lo toto ngangu mingi.

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

1 Korente 10:12

Tongaso, zo so abaa atene, lo yeke luti na nduzu, lo sara hange si lo ti pepe.

1 Korente 14:37

Tongana mbeni zo abaa atene, ni yeke wayanga-Nzapa wala zo so Yingo ti Nzapa ayeke na ya ti lo, alingbi lo hinga lo tene, tënë so mbi yeke su na mbeti ti tokua na ala so, ayeke tënë ti yanga ti *Kota Gbia.

1 Korente 2:15

Zo so ayeke na Yingo ti Nzapa alingbi ti hinga nda ti aye kue, me mbeni zo ti hinga nda ti lo ayeke daa pepe.

1 Korente 3:1

Ti mbi, a-ita, mbi lingbi ti tene tënë na ala pepe tongana ti so mbi yeke tene tënë na azo so ayeke na Yingo ti Nzapa; me mbi tene tënë ni na ala tongana ti so a yeke tene tënë na azo ti dunia so, wala na azo so aga oko na Christ, me ala ngba akete molenge na lege ti mabe.

1 Korente 4:21

Ala ye nyen? Ala ye mbi mu fimbo si mbi ga na ni na tere ti ala? Wala ala ye mbi sara ngangu na ala pepe, ti fa na ala so mbi ye ala?

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 2:7

Ndani laa, ti fadeso alingbi ala zi tënë na li ti lo, ala de be ti lo, tongaso si vundu akiri ahon ndö ti lo pepe.

2 Korente 2:8

Tongaso mbi hunda na ala ti fa na lo atene, ala ye lo.

Galasii 5:23

sarango ngangu na zo pepe nga na ngangu ti kanga nzara ti tere. Ndia ake aye tongaso pepe.

Galasii 6:18

A-ita, ayeke nzoni *Kota Gbia ti e Jésus Christ asara nzoni be na ala! Amen.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

2 Tesalonike 3:15

Ye oko, ala baa lo tongana wato ti ala pepe, me ala mu wango na lo tongana ti so ala yeke sara fade na mbeni ita, zo ti Christ.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

Jacques 3:13

Mbeni zo ti ndara na ti hingango ndo ayeke na popo ti ala? Ayeke nzoni lo fa ni na lege ti nzoni dutingo ti lo nga na sarango aye ti lo so lo yeke sara na ndara, me na ngangu pepe.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.