Galasii 5:6 - Mbeti ti Nzapa - Tënë so amu fini

⁶ Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Galasii 5:6 ပူးပေါင်းရင်းမြစ်များ

Nzoni Tënë so Luc asu na mbeti 7:5

ngbanga ti so lo ye mara ti e mingi; lo laa lo sara da ti sambelango Nzapa ti e so.”

1 Korente 13:13

Fadeso, aye ota so ayeke ngba: mabe, ziango be ti ku ye na ndoye; me ndoye ayeke kota ahon atanga ni kue.

1 Korente 7:19

Fango ganza ayeke ye pepe, fango ganza pepe ayeke nga ye pepe. Kota ye ni ayeke titene zo asara ye alingbi na atënë ti yanga ti Nzapa.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 6:15

Ndani laa, ataa zo afâ ganza wala lo fâ ganza pepe, so ayeke senge. Kota ye ni ayeke so Nzapa asara si e ga afini zo!

Efeze 6:23

Ayeke nzoni Nzapa Babâ, na *Kota Gbia Jésus Christ amu na a-ita siriri, ndoye na mabe!

Kolose 1:4

Biani, e ma tënë ti mabe ti ala so ala yeke na ni na Jésus Christ nga na yengo so ala ye na azo ti Nzapa kue.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Josué 5:5

Azo so kue alondo na Ezipte si asigigi, ala fâ ganza awe; me ala so a du ala na benyama, na lege, na ndembe ti sigingo ti ala na Ezipte, ade ala fâ ganza pepe.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.